Արայիկ Հարությունյանը մեզ համար գոյություն չունի. Իր տված 10 մլն-ը իր գլխին տված, եթե չի կշտացել, թող կշտանա. քաշաթաղցի. Տեսանյութ

Քաշաթաղի բնակիչները հերթական անգամ բողոքի ակցիա են իրականացնում կառավարության շենքի դիմաց, որոնք պահանջում են վերադարձնել իրենց տները, կամ արժանապատիվ փոխհտուցում տալ:

«Արդեն մեկ տարին լրանում է, ոչ մի ռեալ պատասխան կառավարությունից չենք ստացել: Մենք էլ ոչ մի տեղ էստեղից չենք գնա, մինչեւ դրական պատասխան չտան: Եթե դրական պատասխան չեղավ, վրաններ ենք դնելու էստեղ:

Մեր պահանջը հետեւյալն է. թող գան հստակ ասեն, որ էսինչ ամսին, էսինչ օրը ապահովված եք լինելու ամեն ինչով: Ոչ թե տարբեր տեղերից լսենք, որ մեկը տոպրակներով դոլարներ է տանում: Կամ էլ թող մեքենաները նստացնեն, մեզ տեղափոխեն Ռուսաստան, Եվրոպա: Արայիկ Հարությունյանը մեզ համար գոյություն չունի: Մենք ՀՀ կառավարությունից պահանջում ենք, որ կամ տեղահանված ժողովրդին պատասխան տան, կամ փախստականի կարգավիճակ տան, արտահանեն:

Մեր երեխաներն այսօր էլ ծառայում են Արցախում, բայց ում համար են ծառայում, կռիսների՞, ոհմակների՞, թե՞ անասունների: Մենք չենք ուզում Երեւանի մեջ մնանք, մերը հողն ու ջուրն է, տվեք հող, ջուր, գնանք ապրենք: Եթե չէ, տվեք փախստականի կարգվիճակ ու ժամանակ տվեք, որ հեռանանք: Իմ տունը վերադարձնում են ինձ Հայաստանում, Արայիկի տված 10 մլն-ը իր գլխին տված, եթե չի կշտացել, թող կշտանա»,-ասաց ակցիայի մասնակիցներից մեկը:

Նա նկատեց, որ Արայիկ Հարությունյանն իրեն շատ լավ է ճանաչում, քանի որ առաջին պատերազմի առաջին օրվանից մասնակցել է պատերազմին. «Էս պատերազմի ժամանակ գնացել եմ Իշխանաձոր, զենք եմ պահանջել, չտվին: Իսկ իրենք միայն գլուխները կախ դոլարների ու դրամների հետեւից են ընկել:  Ինչու գերիների մասին չեք մտածում: Գոնե խիղճ ունեցեք կամ ինքներդ ձեզ գնադակահարեք, կամ դիմում գրեք, հեռացեք: Մարդ եղեք»: