Բաքուն չի կատարում Ղարաբաղի մասին եռակողմ հայտարարության պարտավորությունները. Միրզոյան. Տեսանյութ
Մեկնարկել է ՀՀ արտաքին գործերի նախարար Արարատ Միրզոյանի աշխատանքային այցը Ռուսաստանի Դաշնություն: Տեղի է ունեցել ՀՀ ԱԳ նախարար Արարատ Միրզոյանի և ՌԴ ԱԳ նախարար Սերգեյ Լավրովի առանձնազրույցը, որին հետևել է ընդլայնված կազմով հանդիպումը։
ՌԴ ԱԳ նախարար Սերգեյ Լավրովը նշել է, որ առանձին ուշադրություն է դարձվել Անդրկովասում խաղաղության և կայունության հաստատմանը և մանրամասն քննարկվել է Հայաստանի, Ադրբեջանի և Ռուսաստանի առաջնորդների՝ 2020 թվականի նոյեմբերի 9-ի եռակողմ հայտարարության իրագործման ընթացքը:
«Պայմանավորվել ենք չթուլացնել ուշադրությունը Երևանի և Բաքվի հարաբերություններում փոխադարձ խնդրահարույց հարցերի վերացմանն ուղղված ջանքերին, այդ թվում՝ ուղղված հայ գերիների վերադարձի, ինչպես նաև ակականպատման քարտեզների փոխանցման հարցերի վերջնական կարգավորմանը: Հաստատել ենք ԵԱՀԿ Մինսկիի խմբի համանախագահների հետագա գործունեության անհրաժեշտությունը: Կարծիքներ ենք փոխանակել նաև հայ-ադրբեջանբական սահմանին՝ Լենռային Ղարաբաղի հակամարտության գոտու սահմաններից դուրս, ստեղծված իրավիճակի վերաբերյալ: Ելնում ենք այն հանգամանքից, որ բոլոր հարցերն անհրաժեշտ է լուծել բացառապես քաղաքական-դիվանագիտական մեթոդներով, իսկ երկարաժամկետ կարգավորումը հնարավոր է միայն սահմանազատման և սահմանագծման միջոցով: ՌԴ նախագահի նախաձեռնությունն այս հարցով լավ հայտնի է: Այսօր քննարկել ենք՝ ինչպես ապահովել դրա արագ իրագործումը: Վերահաստատել ենք մեր պատրաստակամությունն ամեն կերպ աջակցել այդ գործընթացին»,- ասել է Լավրովը:
Ռուս նախարարն ընդգծել է, որ ռուսական կողմը «գոհ է տրանսպորտային ուղիների ապաշրջափակմանն ուղղված եռակողմ աշխատանքային խմբի աշխատանքից, որն ընթանում է երեք երկրի փոխվարչապետերի նախագահությամբ»:
Հայաստանի և Ռուսաստանի ԱԳ նախարարների համատեղ մամուլի ասուլիսին ստորև.
Հետևեք մեզ Facebook-ում