ԿԱՆԽԱՏԵՍՈՒՄ

ՀՀ Դատախազությունը, համակարգի բարձր պրոֆեսիոնալ մակարդակի մասնագետների ներգրավմամբ, մանրակրկիտ ուսումնասիրել է անցած շաբաթ ԱԺ-ում տեղի ունեցած դեպքերն ու օրենքին համաձայն, նյութերն ուղարկել Հատուկ Քննչական Ծառայություն, գործին ընթացք տալու հանձնարարությամբ։

 

ՀՔԾ-ի նույնպես պրոֆեսիոնալ, բարձր որակավորում ունեցող քննիչները սկսել են գործի արդեն, ըստ էության, բայց անպայման օրենքին համապատասխան քննությունը։ ՀՔԾ են հրավիրվում դեպքի ականատես պատգամավորներ, առերևույթ հանցագործության դրդիչներին և մեղավորներին պատժելու համար։

․․․․

ՀՔԾ հայտարարությունը

 

Կատարելով ՀՀ վարչապետի հանձնարարականը, ՀՔԾ-ն, բազմակողմանի, մանրակրկիտ ձևով քննելով ԱԺ-ում տեղի ունեցած միջադեպը, բացահայտեց, որ միջադեպը սադրել են «Հայաստան» խմբակցության պատգամավորները, մասնավորապես խմբակցության ղեկավար Սեյրան Օհանյանը։ ՔՊ խմբակցության անդամները ստիպված դիմել են ինքնապաշտպանության։ Նրանք նաև կատարել են ՀՀ գերագույն հրամանատար վարչապետի հանձնարարականը, արժանի հարվածներ հասցնելով ընդդիմադիր, սադրիչ պատգամավորներին։ Ինչպես նշեց ՔՊ խմբակցության ղեկավարը, ընդդիմադիրների պահվածքը հարված էր Հայաստանի ժողովրդին։ Այսպիսով քրեական գործեր են հարուցված «Հայաստան» խմբակցության մի խումբ պատգամավորների նկատմամբ։

․․․

ՀՀ Դատախազության հայտարարությունը

 

ՀՀ Կառավարության որոշմամբ հրավիրվում է ԱԺ արտահերթ նիստ, որտեղ ՀՀ գլխավոր դատախազը քրեական գործի շրջանակներում հանդես կգա, «Հայաստան» դաշինքի մի խումբ պատգամավորների անձեռնմխելիությունից զրկելու և կալանավորելու միջնորդությամբ։

․․․

ԱԺ «Հայաստան» խմբակցության հայտարարությունը․

 

Իշխող վարչախումբը շարունակում է շինծու քրեական գործեր հարուցել հայրենիքի պաշտպանների դեմ։ Հայտարարում ենք, որ մենք այս ամենի դեմ շարունակելու ենք մեր պայքարը միայն սահմանադրական ճանապարհով։