Այս երկու երկրներից հյուսիս Պարսից ծոցի ափերից մինչև Կասպից ծով տարածված է պետականության հնագույն ավանդույթներից մեկը

Քաթարում իշխող էմիրների Ալ Թանի և Սաուդյան Արաբիայում հոգևոր բարձրագույն իշխանությունը զբաղեցնող գերագույն մուֆթիների Ալ ալ-Շեյխ տոհմերը սերում են արաբական միևնույն Բանու Թամիմ ցեղամիավորումից, որը հայտնի է դեռևս Մուհամմադ մարգարեի ժամանակներից:
Փաստացիորեն ստացվում է, որ Սաուդյան Արաբիայի և Կատարի միջև հարաբերությունների լարման համատեքստում հակամարտ կողմերում են հայտնվել միևնույն ցեղամիավորման տարբեր տոհմերի ներկայացուցիչները, որոնցից մեկը մի երկրում զբաղեցնում է բարձրագույն հոգևոր, իսկ մյուսը մեկ այլ երկրում՝ աշխարհիկ իշխանությունը:
Այս երկու երկրներից հյուսիս Պարսից ծոցի ափերից մինչև Կասպից ծով տարածված է պետականության հնագույն ավանդույթներից մեկը մինչև մեր օրերը հասցրած Իրանը, որտեղ ցեղային, տոհմական կամ տեղային պատկանելությունը վաղուց արդեն քաղաքական համակարգում որևէ ազդու գործոն չէ, քանի որ պետությունը ստեղծված է տարբեր պատմական ժամանակաշրջաններում զանազան գաղափարախոսությունների շղարշով հանդես եկող միևնույն՝ Իրանի գաղափարի առանցքի շուրջ, ինչն էլ իրանական պետականությունը դարձնում է գրեթե անխոցելի՝ ի տարբերություն Պարսից ծոցի ավազանի իր արաբական հարևանների:

Վարդան Ոսկանյանի ֆեյսբուքյան էջից