Պարոն Չարչյանը, անկախ իշխանության ցանկություններից, ազատության մեջ է գտնվելու. փաստաբան

Մենք իսկզբանե նշել ենք ու նշոմ ենք, որ բացաապես քաղաքական հետապնդման հետ գործ ունենք. առաջին ատյանի դատարանի որոշումը պարոն Չարչյանի կալանքը վերացնելու վերաբերյալ բեկանելու համար չկա: Այս մասին «Վարդաշեն» ՔԿ-ի մոտ լրագրողների հետ զրույցում հայտնել է փաստաբան Էրիկ Ալեքսանյանը:

«Կալանավորման հիմքը եղել է այն, որ ազատության մեջ մնալով՝ պարոն Չարչյանը կարող էր ազդեցություն ունենալ դատավարության մասնակիցների վրա այն հանգամանքից ելնելով, որ «Իզմիրլյան» ԲԿ-ի տնօրեն է եղել: Հիմա նա չունի այդ կարգգավիճակը, չկա այդ հիմքը: Հետևաբար, հիմքը բացակայում է, պետությունը կամայական գործողություներ չի կարող անել՝ դատավարական պետք է լինեն բոլոր գործողությունները, իսկ այստեղ դատավարական գործողություն չկա»,- նշեց Ալեքսանյանը:

Փաստաբանի խոսքով՝ այն, որ գործը, իրենց պնդմամբ, քաղաքական ենթատեքստ ունի, չի նշանակում, որ իրավական պայքար չենք մղելու;

«Մինչև վերջ պայքարելու ենք: Պարոն Չարչյանն ազատության մեջ է գտնվելու, դա իրենց ճաշակից բխելու է թե չէ, կապ չունի՝ թող իրենք բոլորը շատ լավ իմանան դրա մասին»,- շեշտեց պաշտպանը: