Հայտարարություն

ՀԱՅՏԱՐԱՐՈՒԹՅՈՒՆ

Նախկին, հանցավոր, կոռումպացված, թալանչի իշխանություններին սպասարկող լրատվամիջոցները, հերթական վայնասունն են տարածում, թե իբր հայրենի ոստիկանության աշխատողները բռնություններ են կիրառում «Ֆիզգորոդոկ»-ի տարածքում, այսպես կոչված խաղաղ ցուցարարների նկատմամբ։ 

Մենք Հայաստանի քաղհասարակության ներկայացուցիչներս, ամենայն պատասխանատվությամբ հայտարարում ենք, որ այն ինչ տեղի է ունեցել «Ֆիզգորոդոկ»-ի տարածքում, որևէ առընչություն չունի խաղաղ հավաքների, ինչպես նաև մարդու իրավունքների խախտումների հետ։ 

1.Այլևս անցյալում են ոստիկանության կողմից Հայաստանի քաղաքացիների նկատմամբ բռնությունների, խոշտագումների և այլ վատ վերաբերմունքի կատարման արատավոր գործելակերպը։

2.Վերջին երեք տարիների ընթացքում ոստիկանական համակարգում,մեր արևմտյան գործընկերների աջակցությամբ, կատարվել են լայնածավալ բարեփոխումներ։ Այսօր, արդեն Հայաստանում գործում է, որակյալ վերապատրաստում անցած Police-Patrol ծառայությունը, որը գործում է միջազգային նորմերի, ՀՀ Սահմանադրության և օրենքների շրջանակներում։

Police-Patrol-ը կանգնած է Հայաստանի ժողովրդի կողմից ընտրված վարչապետի և նրան սատարող քաղաքացիների թիկունքին։Եվ բոլոր սադրիչ փորձերը վարկաբեկելու նորացված ոստիկանությանը, հանդիպելու է մեր կողմից ջախջախիչ հակահարվածի։

3․ Այսպիսով, շեշտում ենք, դեռևս 2018թ․ Իջևանի դեպքերի,հետագայում, այսպես կոչված ընդդիմության սադրանքների ժամանակ, ոստիկանությունը գործել է օրենքին համապատասխան՝ «ասֆալտին փռելով», ստորացնելով, նվաստացնելով, բերման ենթարկելով տարատեսակ հանցագործ խմբերին, նախկին կաշառակեր-թալանչիներին։

4.Ի գիտություն, բոլորին, ոստիկանությունը լեգիտիմ իրավունք ունի ուժի կիրառման, այդ թվում անհամաչափ, բոլոր այն անձանց նկատմամբ, ովքեր կհամարձակվեն ընդդիմանալ Հայաստանի ժողովրդավարական իշխանությանը։

Այսպիսով, մենք Հայտարարում ենք․

«Ֆիզգորոդոկ»-ում տեղի ունեցած զանազան շնաբարո դուրսպրծուկների սադրանքին հայրենի ոստիկանությունը տվել է արժանի հակահարված, որը նախատեսված է , ինչպես միջազգային նորմերով, այնպես էլ Հայաստանի օրենսդրությամբ։

Ավետիք Իշխանյանի Ֆեյսբուքյան էջից 

Հայտարարությունը բաց է միանալու համար։