Աֆղանստանի զարգացումներում Հայաստանի շահերի առումով միակ դրական կետն այս պահին էրդողանական Թուրքիայի դիրքերի թուլացումն է
Դիտել նաև
«Ադրբեջանը կարող է հայտնվել իսրայելական մուրճի և թուրքական պայտի արանքում»․ Վարդան Ոսկանյան
ԱՄՆ-Իրան հուշագիրը ցուցիչ է իրանական կողմի հաղթանակի․ Ոսկանյան
«Սա Բաքվի վարչախմբին ուղղված զգուշացում է». Վարդան Ոսկանյան
«Իրանական մեկ այլ նախապայման էլ գոյություն ունի»․ Վարդան Ոսկանյան
Վարդան Ոսկանյանը` Նախիջևանի օդանավակայանին «տարօրինակ» հարվածի մասին
Աֆղանստանի զարգացումներում Հայաստանի շահերի առումով միակ դրական կետն այս պահին էրդողանական Թուրքիայի դիրքերի թուլացումն է և վերջինիս շահերի վտանգումը, որն առնվազն արտահայտվում է հետևյալ երեք հատվածներում՝
1․ Քաբուլի օդանավակայանում թուրքական զինուժի տեղակայման այլևս անհնարինությունը։
2․ Թուրքիայի կողմից աջակցություն վայելող ուզբեկ գեներալ Ռաշիդ Դոստումի փախուստն Ուզբեկստան, և նրա կողմից ղեկավարվող զորամիավորման ամբողջական քայքայումը։
3․ Թուրքիայի «կնքահայրությամբ» 2018թ․ գործարկված, այսպես կոչված, Լաջվարդի միջանցքի խափանումը։
Միևնույն ժամանակ իրավիճակը շտկելու համար էրդողանական վարչակարգն ունի որոշ համեմատաբար թույլ շանսեր, որոնցից կարծում եմ՝ անպայմանորեն կփորձի օգտվել՝
1․ Թալիբների հետ ուղղակի բանակցությունների միջոցով համաձայնության կայացման փորձ առնվազն Լաջվարդի միջանցքի հարցով։
2․ Թալիբների հետ համաձայնության գալու փորձ վերջիններիս վրա ազդեցություն ունեցող Պակիստանի և Կատարի միջոցով։
Իրավիճակը բարդանում է նրանով, որ Թուրքիային Աֆղանստանում չեն ուզում տեսնել ոչ միայն «Թալիբանը», այլ նաև Իրանը, Ռուսաստանը, Չինաստանը և Սաուդյան Արաբիան։
Հետևեք մեզ Facebook-ում