Այն ինչը մենք բացահայտում ենք ադրբեջանական կորուստներից, եղածի 50 տոկոսն է. Լևոն Մնացականյան

Մենք գտնվում ենք մի պատերազմի մեջ, որը դեռևս ավարտված չէ: Այս մասին ՀՀ պաշտպանության նախարարության նախաձեռնությամբ Արցախ այցելած լրագրողների հետ հանդիպման ժամանակ հայտարարեց ՊԲ հրամանատ գեներալ-լեյտենանտ Լևոն Մնացականյանը:

Անդրադառնալով Ադրբեջանի կողմից իրենց կորուստների վերաբերյալ տեղեկատվության հրապարակմանը՝ գեներալը նշեց, որ ադրբեջանական կայքերում կորուստների մասին ոչինչ չի հրապարակվում:

«Մենք բազմաթիվ փաստեր ունենք, որ իրենց առաջնագծում ունեցել են կորուստներ, սակայն ոչինչ չի խոսվել այդ մասին: Այն, ինչ մենք բացահայտում ենք, դա ընդամենը, եղածի մոտ 50 տոկոսն է: Ադրբեջանը 2015թ-ի մարտից որդեգրել է լրատվական մի քաղաքականություն՝ ընդհանրապես, ոչ մի տեղեկություն չհրապարակել իրենց կայքերում»,- նշեց Գեներալը:

Աղբյուր` Panorama.am