Հայաստանը ղարաբաղյան հարցում իրեն պասիվ է դրսևորում. ռուսաստանցի ռազմական փորձագետ (տեսանյութ)

«Ինձ շատ է ուրախացնում հարվածային ԱԹՍ-ի հայտնվելը հայկական կողմի մոտ: Առաջ դրա մասին չէր խոսվում, նշվում էր, որ Հայաստանն ունի միայն հետախուզական ԱԹՍ: Հիմա այդ սարքերը կան: Դա խոսում է ուժերի նոր հարաբերակցության մասին, երբ հայկական կողմը նմանօրինակ գործողություններին կարող է հարվածներ հասցնել ադրբեջանական կողմին տարածքի խորքում: Կարելի է հարվածել թիկունքին, կարևոր օբյեկտներին: Գտնում եմ, որ նման պատասխանը բավականին արդյունավետ է: Այն ցուցադրում է, որ ԱԹՍ-ի նման գործողություններն անպատասխան չեն մնա, ամեն ինչի համար ստիպված կլինեն պատասխանել: Խնդիրը նրանում է, որ ցավոք, ադրբեջանական կողմի կորուստների իրական մակարդակը թաքցվում է: Դրա մասին է վկայում նաև անցած տարվա ապրիլ ամիսը, երբ ադրբեջանական կողմը նվազեցրել է իրական կորուստները: Դա տեսանելի է եղել նաև այս տարվա փետրվարյան իրադարձությունների ժամանակ», - ասաց ԱՊՀ երկրների ինստիտուտի փոխտնօրեն, ռուսաստանցի հայտնի ռազմական փորձագետ Վլադիմիր Եվսեևը:

Նա նաև նշել է, որ ի տարբերություն ադրբեջանական կողմի, հայկական կողմը բաց ու թափանցիկ է և չի թաքցնում իր մարդկային կորուստները: 

Վլադիմիր Եվսեևը հայկական կողմին խորհուրդ տվեց և հնարավոր համարեց այն, որ Հայաստանը կարող է խոչնդոտել Ադրբեջանի կողմից տարածքների փոքր մասերով զավթումը:

«Նրանք փորձեցին տարածք պոկել մեկ անգամ, նրանք կփորձեն անել դա մշտապես», - ասաց նա: 

Մանրամասները՝ կից տեսանյութում:

Zham.am