Առաջին հերթին պետք է մտածենք այն մարդկանց մասին, որոնք բնակվում են Հայաստանում և Ադրբեջանում. Հարավային Օսիայի նախագահ

Ռուսաստանից Վրաստան և Հայաստան Հարավային Օսիայով միջանցք բացելու համար ոչ մի խնդիր չկա: Միակ խնդիրը, որը խոչընդոտ է ստեղծում՝ մեր հանրապետության կարգավիճակն է ճանապարհային քարտեզի վրա, հայտարարեց Հարավային Օսիայի նախագահ Անատոլի Բիբիլովը:

«Ճանապարհ բացելու համար քաղաքական որոշում է պետք, առաջին հերթին Վրաստանի: Մեր կողմից, չեմ կարծում, որ ինչ-որ խնդիրներ լինեն: Միակ խնդիրը, որին կարող է հղել վրացական կողմը, դա Հարավային Օսիայի կարգավիճակն է: Իհարկե, մենք թույլ չենք տա, և դա անկասկած չի լինի, որ Հարավային Օսիան Եվրոպան և Ասիան իրար կապող  այդ ճանապարհային քարտեզի վրա հանդես գա որպես ոչ լիիրավ գործընկեր: Ընդհանուր, Հարավային Օսիայի համար ոչ  մի խնդիր չկա», - ասաց Բիբիլովը «ՌԻԱ Նովոստի»-ին տված հարցազրույցում, նշելով, որ ճանապարհի բացումը շահավետ կլինի թե Վրաստանի, թե Հայաստանի, թե Ադրբեջանի, թե Թուրքիայի համար:

Նախագահը նաև նշել է, որ նա հաճախակի իր  հասցեին հնչող մեղադրանքներ է ստանում ստեղծված իրավիճակի համար:

«Ինձ մեղադրում են նրանում, որ այդ ճանապարհի պատճառով, իբր, չկան քաղաքական որոշումներ, նրանք դեռ ուժի չկիրառման հուշագիր չեն ստորագրել: Բայց մենք առաջին հերթին պետք է մտածենք այն մարդկանց մասին, որոնք բնակվում են Հայաստանում և Ադրբեջանում, նրանց մասին ովքեր առևտրային հարաբերություններ են ցանկանում Ռուսաստանի հետ Իրանում և Թուրքիայում: Մենք չպետք է կարչենք Վրաստանից», - ասաց Բիբիլովը:

Հարցազրույցում Բիբիլովը նաև հաղորդեց Հարավային Օսիայի՝ Ռուսաստանին միանալու հանրաքվե անցկացնելու ցանկության մասին, որովհետև «դա է ուզում ժողովուրդը»:

Zham.am