Պուտինն ու Փաշինյանը քննարկել են տարածաշրջանում տրանսպորտային եւ տնտեսական կապերի արգելաբացումը․ Կրեմլը նույնպես հաղորդագրություն է տարածել

ՌԴ նախագահ Վլադիմիր Պուտինն ու Հայաստանի վարչապետի պաշտոնակատար Նիկոլ Փաշինյանը հետախոսով քննարկել են ռուս-հայկական համագործակցության արդի հարցերն առևտրա-տնտեսական, էներգետիկ, հումանիտար եւ այլ ոլորտներում։

Կրեմլի մամուլի ծառայության հաղորդմամբ՝ զրույցը տեղի է ունեցել հայկական կողմի նախաձեռնությամբ։

«Քննարկվել է իրավիճակը Լեռնային Ղարաբաղի շուրջ։ Քննարկվել է նաեւ տարածաշրջանում տրանսպորտային և տնտեսական կապերի արգելափակման թեման։ Պայմանավորվածություն է ձեռք բերվել տարբեր մակարդակներում հետագա շփումների մասին, նշված է հադորդագրության մեջ։

Ավելի վաղ Կառավարության մամուլի ծառայությունը հաղորդագրություն էր տարածել, որում, մասնավորապես ասվում էր, որ կողմերն անդրադարձ են կատարել 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների շրջանակներում ձեռք բերված պայմանավորվածությունների իրականացման ընթացքին, մասնավորապես, գերիների վերադարձի խնդրին և տարածաշրջանային ճանապարհների վերագործարկմանը:

Zham.am