«Հասկացա, որ ոտքս փրկել հնարավոր է, իսկ շատերի չարացած հոգիները՝ ոչ». վթարի ենթարկված Թամարա Գեւորգյանի գրառումը

Օրեր առաջ վթարի ենթարկված դերասանուհի Թամարա Գեւորգյանը Ֆեյսբուքյան էջում նոր գրառում է կատարել՝ խոսելով իր առողջական վիճակի մասին։ Նա նշել է, որ հարցազրույցներ տալու ցանկություն չունի։

«Պարզապես կասեմ, որ վաղը երրորդ վիրահատությունս կկատարվի, եւ հույս ունեմ, որ ամեն բան հաջող ավարտ կունենա, ու ժամանակի ընթացքում կրկին կքայլեմ… Շատ պլաններ կային, որոնք կիրականացնեմ թեկուզ անվասայլակով։

Շնորհակալ եմ ինձ սիրող ու ինձ համար լավը կամեցող բոլոր ծանոթ-անծանոթներին... Շնորհակալ եմ նաև այն մարդկանց, ովքեր նույնիսկ մարդու դժվար պահին չեն կարողանում իրենց չարությունը թաքցնել եւ հրապարակավ վատ մեկնաբանություններ են թողնում....

Դուք այս ընթացքում ինձ շատ օգնեցիք։

Հասկացա, որ ոտքս փրկել հնարավոր է, իսկ շատերի չարացած հոգիները՝ ոչ։

Մի բան կասեմ միայն... Թող Աստված բոլորիդ առողջ պահի....»,- գրել է նա։