«Մենք չենք մեկնաբանում դեսպանի աշխատանքային ժամանակացույցը». ԱՄՆ և Ֆրանսիայի դեսպանությունները՝ Շուշի այցելելու հրաժարվելու մասին

Ադրբեջանի կառավարության հրավերով` հուլիսի 10-ին, Շուշի այցելած 46 պետությունների դեսպանների թվում բացակայում էին երեք տերությունների՝ ԱՄՆ-ի, Ֆրանսիայի և Ռուսաստանի դեսպանները։ Այդ երկրների դեսպանները չեն ընդունել պաշտոնական Բաքվի հրավերը և հրաժարվել են մեկնել Շուշի։

Այս կապակցությամբ Haqqin.az-ը հետաքրքրվել է Ադրբեջանում ԱՄՆ-ի և Ֆրանսիայի դեսպանություններից, թե ինչու՞ են նրանք չեն այցելել Շուշի (Ադրբեջանի կողմից ժամանակավորապես օկուպացված քաղաք Արցախում):

«Մենք չենք մեկնաբանում դեսպանի ժամանակացույցի հետ կապված մանրամասները կամ այն ​​պատճառները, թե ինչու նա չի կարող ներկա լինել որոշակի միջոցառումների: Ցանկանում ենք նշել, որ ուրբաթ օրը Բաքվում կային մի շարք դիվանագիտական ​​առաքելությունների ներկայացուցիչներ, ովքեր ի վիճակի չէին մեկնել Ֆիզուլի (Վարանդա-խմբ) և Շուշի», - ասացին Ադրբեջանում ԱՄՆ դեսպանությունում:

Պատասխանելով այն հարցին, թե ինչո՞ւ ԵԱՀԿ Մինսկի խմբի երեք համանախագահ երկրների՝ ԱՄՆ-ի, Ռուսաստանի և Ֆրանսիայի դեսպանները, հանդես եկան նույն դիրքորոշմամբ և մերժեցին Շուշի այցելելու հրավերը, դեսպանությունում ասացին. «Մենք չենք մեկնաբանում մեր դեսպանի ժամանակացույցի մանրամասները: Խորհուրդ ենք տալիս կապվել Ֆրանսիայի և Ռուսաստանի դեսպանությունների հետ՝ մանրամասների համար այլ դեսպանատների վերաբերյալ»:

«Դեսպանությունը չի մեկնաբանում դեսպանի ժամանակացույցը», - ասված է ի պատասխան ադրբեջանական լրատվամիջոցի խմբագրության հարցմանը Ֆրանսիայի դեսպանատան պաշտոնական նամակում:

Zham.am