Ադրբեջանցիներն էլ օգտվել էին առիթից և չէին ցանկանում վերադարձնել անասուններին, 2-3 ժամ հետո ռուս խաղաղապահների միջոցով վերադարձրեց. Խնածախի վարչական ղեկավար

Մեր գյուղին մոտ դիրքերից անասունները առավոտյան 6:30-ին մի փոքր հատել էին սահմանը, ադրբեջանցիներն էլ օգտվել էին առիթից և չէին ցանկանում վերադարձնել 3 գլուխ անասունին: Այս մասին Tert.am-ի հետ զրույցում ասաց Սյունիքի մարզի Խնածախի վարչական ղեկավար Անուշավան Հովակիմյանը՝ հավելով, որ ադրբեջանցիները ասել են, որ անասունները հատել են սահմանը, և չեն վերադարձնելու:

«Ռուս խաղաղապահների բանակցության արդյունքում 2-3 ժամ հետո անասուններին վերադարձրել են: Տարածքում կենդանիները հաճախ են շփոթվում՝ բնազդաբար նախկին տարածքներում են արածում»,-ասաց նա:

Հարցին՝ կա տեղեկություն, թե հայր ու որդին են անասուններին տարել դաշտ, վարչական ղեկավարն ասաց, որ գյուղացիներին ադրբեջանցիները ոչինչ չեն ասել, որդին սովորաբար հորը օգնում է: «Բայց այն պահին, երբ ես հասա, արդեն միայն հայրն էր»,-ասաց նա: