ՌԴ-ում ՀՀ դեսպանությունը մեկնաբանել է Զախար Պրիլեպինի հայտարարությունները

Ռուսաստանում ՀՀ դեսպանությունը մեկնաբանել է ռուս հասարակական գործիչ, գրող Զախար Պրիլեպինի հայտարարությունները: Դեսպանության ֆեյսբուքյան էջում տարածված հայտարարության մեջ նշվում է.

«Մեզ զարմացրել են Զախար Պրիլեպինի` «բնակության վայր ընտրելու հարցում հայերի նախասիրությունների մասին» գիտելիքները: Հազարավոր տարիներ Հայաստանը պաշտպանել է իր գոյության իրավունքը, եւ շատ են եղել ողբերգական էջեր, երբ այն եղել է թշնամով շրջապատված՝ ապավինելով միայն սեփական ուժերին: Միակ բանը, որի մասին մեր ժողովուրդը երազում է՝ ապրել իր պատմական հայրենիքում: Այնպես չստացվի, որ տեսանելի ապագայում հեղինակի առասպելական կանխատեսումը իրականություն դառնա հենց իր համար...»:

Հարկ է նշել, որ Պրիլեպինը Հայաստանի մասին  հետեւյալ մեկնաբանությունն է գրել. «Նայում եմ Հայաստանին (որը մեզ ամոթից ցույց չեն տալիս հեռուստացույցով, իսկ իզուր Ուկրաինայից ո՛չ պակաս օրինակ է), և հիշում Ռուսաստանի հայերի կոլեկտիվ գոռոցը վերջին պատերազմի օրերին։

Մի խոսքով, ընկեր Պուտին, խոնարհում քո առաջ, որ չմտցրեցիր զորքերն այնտեղ, երբ և որտեղ խնդրել ենք։

Հայաստանի ժողովուրդը ցանկանում է ապրել ԱՄՆ դեսպանատանը։ Ժամանակի հետ նա ապրելու է Թուրքիայում, բայց ցանկանալ նրան չես արգելի։ Ռուս զինվորի ո՛չ մի կյանք չպետք է վատնված լինի դրա վրա։ Ամեն մեկն իր պես է ընտրում։ Աստված առատաձեռն է»:

Zham.am