Արման Թաթոյանը ավանդույթի համաձայն՝ լռում է
«Ժողովուրդը» գրում է. «Հայաստանը դեռ 2015թ. աշնանը ԵՄ-ի հետ ստորագրած համաձայնագրով պարտավորվել էր «Խտրականության մասին» օրինագիծ ընդունել, նաեւ ՄԻՊ-ում ստեղծել սեռական փոքրամասնությունների իրավունքներով զբաղվող մարմին: Ընդ որում, ՄԻՊ-ին նման լիազորություններ տալու հիմնական ջատագովներից է եղել ՀՀ արդարադատության այն ժամանակվա փոխնախարար Արման Թաթոյանը, որն այսօր ինքն է ՄԻՊ պաշտոնում: Երեկվա հանդիպումն ուշագրավ էր նաեւ մեկ այլ առումով. օրերս մայրաքաղաքում հայտնվեցին համասեռամոլության նկատմամբ հանդուրժողականության կոչ անող սոցիալական գովազդների վահանակներ, որոնք, սակայն, կարճ ժամանակ անց քաղաքապետարանի որոշմամբ հեռացվեցին: Թեեւ քաղաքապետարանը պարզաբանեց, որ պաստառները հանվել են, քանի որ ապօրինի էին, բայց իրական պատճառը սեռական փոքրամասնությունների նկատմամբ հայ հասարակության մերժողական վերաբերմունքն է: Ու անկախ այս ամենից՝ ՄԻՊ Արման Թաթոյանը պետք է այս հարցում դիրքորոշում հայտնի. դատապարտո՞ւմ է երկնագույնների քարոզչության խափանումը, թե՞ դատապարտում է նրանց իրավունքների քարոզչությունը: Սակայն ավանդույթի համաձայն՝ նա լռում է:
Երեկ «Ժողովուրդ» օրաթերթին այդպես էլ չհաջողվեց մեկնաբանություն ստանալ ՀՀ օմբուդսմենից, փոխարենը Բրյուսելում վերահաստատել է մարդու իրավունքների պաշտպանության բոլոր ուղղություններով համագործակցության հանձնառությունը: Օդի մեջ՝ դեկլարատիվ խոստումներ»:
Մանրամասները՝ թերթի այսօրվա համարում:
Հետևեք մեզ Facebook-ում