ՌԴ Դաշնության խորհրդի դիտորդական պատվիրակության գնահատել է ՀՀ-ում կայացած ընտրությունները

Հայաստանի արտահերթ ընտրություններն անցել են ազգային օրենսդրությանն ու միջազգային չափանիշներին համապատասխան, իսկ դիտորդների արձանագրած աննշան խախտումները չեն կարողացել ազդեցություն ունենալ քվեարկության արդյունքների վրա: ՏԱՍՍ գործակալության փոխանցմամբ` այս մասին հայտարարել է Դաշնության խորհրդի անդամ Վիկտոր Սմիրնովը, որը գլխավորել է ՌԴ խորհրդարանի վերին պալատի դիտորդական պատվիրակությունը:

«Հայաստանի Հանրապետության Ազգային ժողովի ընտրություններն անցել են ազգային օրենսդրության և միջազգային չափանիշների համաձայն: Այն աննշան խախտումները, որոնք արձանագրել են միջազգային դիտորդները, տեխնիկական բնույթ են կրել, և, անկասկած, չէին կարող ազդել կամարտահայտման արդյունքների վրա»,- ասել է Սմիրնովը:

Վերջինս հավելել է, որ քվեարկության օրն անձամբ այցելել է 17 ընտրատեղամաս, իսկ, ընդհանուր առմամբ, ԱՊՀ Միջխորհրդարանական վեհաժողովի դիտորդների խումբը եղել է մայրաքաղաքի և մարզերի 77 ընտրատեղամասում: Խորհրդարանականի խոսքով` սենատորները հանդիպումներ են ունեցել ՀՀ ԿԸՀ-ի ղեկավարության, մի շարք քաղաքական ուժերի ներկայացուցիչների հետ:

«Քվեարկության օրը ցուցադրվել է Հայաստանի Կենտրոնական ընտրական հանձնաժողովի և տեղամասային ընտրական հանձնաժողովների անդամների պրոֆեսիոնալությունը: Ամենուր, որտեղ մենք եղել ենք, կազմակերպված աշխատանք է ընթացել»,- ընդգծել է Սմիրնովը:

Աղբյուր՝ Tert.am