Դու քո ասածին հավատո՞ւմ ես. Ծառուկյանի վրա ո՞վ կարա ազդի. ԲՀԿ առաջնորդը՝ Խաչատուր Սուքիասյանի կողմից իր վրա ազդելու մասին. Տեսանյութ
Անվտանգ հայրենիք, հզոր, զարգացող, բարգավաճ Հայաստանի համար։ Այս մասին այսօր քվեարկությունից հետո լրագրողների հետ զրույցում ասաց «Բարգավաճ Հայաստան» կուսակցության վարչապետի թեկնածու Գագիկ Ծառուկյանը՝ պատասխանելով հարցին, թե ինչպիսի Հայաստանի համար է քվեարկել։
Հարցին՝ արդյոք ընտրություններից հետո պատրաստ է Նիկոլ Փաշինյանի հետ կոալիցիա կազմել, Ծառուկյանը պատասխանեց. «Ես այդ հարցին պատասխանել եմ, չեմ ուզում կրկնվեմ, այսօր այդ օրը չի։ Ես մի անգամ ասել եմ՝ բացառում եմ»։
Լրագրողի մեկ այլ հարցի, որ եթե ընտրությունների արդյունքները չգոհացնեն, պատրաստ են դուրս գալ փողոց և բողոքի ակցիաներ անեն, Ծառուկյանն ասաց. «Եթե ամեն ինչ կարգ, կանոնով գնում ա՝ ինչի մասին ա խոսքը։ Անտեղի ինչի համար աղմուկ բարձրացնենք։ էսօր ժողովուրդը լիարժեք քվեարկում ա, ում վստահում ա, ում հավատում ա, իր ձայնը տալիս ա։ Եթե ժողովուրդը չի ցանկացել, ձայն չի տվել, ես ի՞նչ պետք է անեմ»։
Դիտարկմանը, արդյոք գործարար Խաչատուր Սուքիասյանը չի փորձում իրեն համոզել, որպեսզի նա Նիկոլ Փաշինյանի օգտին քվեարկի, հաշվի առնելով նրանց խնամիական հարաբերությունը, Ծառուկյանը արձագանքեց.«Լավ այսինքն դու քո ասածին հավատո՞ւմ ես։ Ծառուկյանի վրա ո՞վ կարա ազդի։ Ծառուկյանին տարան ձերբակալեցին՝ չկարացան Ծառուկյանի վրա ազդել։ Դա անիմաստ դատարկ խոսակցություններ են»։
Աղբյուր՝ ArmDaily.am
Հետևեք մեզ Facebook-ում