ԱԺ-ում փակվում է Մարդու իրավունքների հանձնաժողովը, մինչդեռ բյուջեով ավելացվել են ՄԻՊ-ին հատկացվելիք գումարները
«Ժողովուրդ»-ը գրում է.«Երբ ԱԺ-ում փակվում է Մարդու իրավունքների պաշտպանության մշտական հանձնաժողովը, ապա իշխանությունների բերած փաստարկներից մեկն էլ այն է, որ գումարներ կխնայվեն: Սակայն հակառակ այդ սկզբունքին՝ այս տարվա բյուջեով ավելացվել են Մարդու իրավունքների պաշտպանին հատկացվելիք գումարները, ու դրանով Արման Թաթոյանը ոչ միայն շուրջ երկու տասնյակ նոր աշխատակիցներ է ավելացնելու աշխատակազմում, այլև ըստ «Ժողովուրդ»-ին հասած տեղեկությունների՝ պատրաստվում է նոր հարկաբաժին ավելացնել Պուշկին 56ա հասցեում գտնվող իր գրասենյակին: Մ. Թաթոյանին լավ նայելու առիթ գործող իշխանություններն իսկապես ունեն, քանզի «ՀՀԿ-ի պաշտպան» տիտղոսի արժանացած մարդը անցած տարվա ընթացքում կազմել է խախտման մեկ տասնյակից էլ պակաս որոշումներ՝ ի տարբերություն նախորդի»,-գրում է թերթը:
Հետևեք մեզ Facebook-ում