Ուղղվել է. Ալեն Սիմոնյանը քվեարկելուց հետո 15 րոպե մուտքի մոտ կանգնած բարեւում ու շփվում է ընտրողների հետ. ահազանգ

Քիչ առաջ ԱԺ փոխնախագահ Ալեն Սիմոնյանը մտել է Երևանի Սարյան փողոցի վրա գտնվող իր ընտրատեղամաս՝ Անդրանիկ Մարգարյանի անվան դպրոց, քվեարկել և դուրս է եկել ու մուտքի մոտ արդեն 15 րոպե կանգնած ձեռքով բարևում է մարդկանց ու չի հեռանում տարածքից, մինչդեռ օրենքն արգելում է թեկնածուին լինել տարածքում 50 մ հեռավորությունից: Այս մասին Facebook-ի իր էջում գրել է լրագրող Սյուզի Բադոյանը:

ԸՆԴԳԾԵՄ 15-20 րոպե է արդեն, ինչ Ալենն իր ջերմ բարևելով ու տարածքում ընտրողի հետ տետ ա տետ շփվելով ուղղորդում է ընտրողներին»:

****

Big Brother տելեգրամյան ալիքը գրում է. «Քիչ առաջ ԱԺ փոխնախագահ Ալեն Սիմոնյանը մտել է Երևանի Սարյան փողոցի վրա գտնվող իր ընտրատեղամաս՝ Անդրանիկ Մարգարյանի անվ. դպրոց, քվեարկել և դուրս է եկել ու մուտքի մոտ արդն 15 րոպե կանգնած ձեռքով բարևում է մարդկանց ու չի հեռանում տարածքից, մինչդեռ օրենքն արգելում է թեկնածուին լինել տարածքում 50 մ հեռավորությունից: Տեղամասի հանձնաժողովի նախագահը չի միջամտում քայլականի քարոզչության տեսարանին, չեն հեռացնում բարձրաստիճան պաշտոնյային տարածքից՝ այդպիսով օժանդակելով ՔՊ-ի օգտին քարոզչությանը: ԸՆԴԳԾԵՆՔ 15-20 րոպե է արդեն, ինչ Ալենն իր ջերմ բարևելով ու տարածքում ընտրողի հետ տետ ա տետ շփվելով ուղղորդում է ընտրողներին»:

***

Վճիռ՝ կեղծ լուր

Yerevan today-ի լրագրող Սյուզի Բադոյանը գրել է, որ ԱԺ փոխխոսնակ Ալեն Սիմոնյանը մտել է Երևանի Սարյան փողոցի իր ընտրատեղամաս՝ Անդրանիկ Մարգարյանի անվ դպրոց, քվեարկել և դուրս է եկել ու մուտքի մոտ 15 րոպե կանգնած ձեռքով բարևում է մարդկանց ու չի հեռանում տարածքից։ Տեղեկությունը կեղծ է, Ալեն Սիմոնյանի ընտրատեղամասը Մուշեղ Իշխանի անվան թիվ 5 դպրոցում է, Բուզանդ 107 հասցեում։

Երբ և ով տարածեց լուրը

Լրագրող Սյուզի Բադոյանը հունիսի 20-ի վաղ առավոտյան (08:59) գրել էր, թե ԱԺ փոխխոսնակ Ալեն Սիմոնյանը մտել է Երևանի Սարյան փողոցի իր ընտրատեղամաս՝ Անդրանիկ Մարգարյանի անվան դպրոց, քվեարկել և դուրսում՝ մուտքի մոտ, 15 րոպե կանգնած ձեռքով բարևում է մարդկանց ու չի հեռանում տարածքից։ Նշվում էր, որ Հանձնաժողովի նախագահը չի միջամտել քայլականի քարոզչության տեսարանին, չեն հեռացնում բարձրաստիճան պաշտոնյային տարածքից՝ այդպիսով օժանդակելով ՔՊ-ի օգտին քարոզչությանը։ Այս տեղեկությունն արտատպել էին ParaTV-ն, Radio Aurora-ն, AntiFake.am-ը, Analitik.am-ը, Alternativ.am-ը, Armlur.am-ը, Lurer.com-ը, 168 ժամ-ը և շատ այլ լրատվակայքեր։ Ինֆորմացիայի հաստատող որևէ տեսանյութ կամ լուսանկար այդպես էլ չհրապարակվեց՝ չնայած պնդմանը, որ Ալեն Սիմոնյանը 15 րոպե շարունակ գտնվել է տեղամասի տարածքում։

Ալեն Սիմոնյանը մոտ մեկ ժամ անց գրել էր, որ Սյուզի Բադոյանի տարածած լուրը չի համապատասխանում իրականությանը՝ ինքը դեռ չի քվեարկել, ապրում է Անդրանիկ Մարգարյանի անվան դպրոցի հարևանությամբ, իսկ քվեարկում՝ Մուշեղ Իշխանի դպրոցում՝ ժամը 11:00-ին:

«Գրառում անելու պահին գտնվում եմ Մարաշի սբ․ Մարյամ (Մարիամ, խմբ․) Աստվածածին եկեղեցու բակում»,- գրել էր նա։

Ալեն Սիմոնյանի ընտրատեղամասն իսկապես չի գտնվում Սարյան փողոցում՝ Անդրանիկ Մարգարյանի անվ դպրոցում։ ՀՀ ընտրողների ռեգիստրում նրա ընտրատեղամասը նշված է 9/21-ը։

Այսպիսով, Ալեն Սիմոնյանը չէր կարող իր ընտրությունը կատարել ո՛չ Անդրանիկ Մարգարյանի անվ դպրոցի, ո՛չ էլ այլ տարածքի ընտրատեղամասում, քանի որ նրա ընտրատեղամասը 9/21-ն է՝ Մուշեղ Իշխանյանի անվան թիվ 5 դպրոցը։

Կից ներկայացնում ենք նաև Ալեն Սիմոնյանի ընտրատեղամասը և քվեարկության դրվագը՝ ներբեռնված ԿԸՀ կայքից։ Տեսանյութում տեսնում ենք, որ ԱԺ փոխխոսնակը 11:19-ից արդեն 9/21 տեղամասում է։ Նրա քվեարկության պրոցեսը տևում է մոտ 6 րոպե, որից հետո նա հեռանում է։

Այսպիսով, Ալեն Սիմոնյանը չէր կարող իր ընտրությունը կատարել ո՛չ Անդրանիկ Մարգարյանի անվ դպրոցի, ո՛չ էլ այլ տարածքի ընտրատեղամասում, քանի որ նրա ընտրատեղամասը 9/21-ն է՝ Մուշեղ Իշխանյանի անվան թիվ 5 դպրոցը։