«Ֆուտբոլ, հոկեյ, հայեր, առաջ Հայաստան... Այ տղա, հայերեն խոսում ես». Թինա Կանդելակին՝ Արտյոմ Մանուկյանին (տեսանյութ, լուսանկար)
Ռուսաստանցի հաղորդավարուհի, «Матч ТВ» գլխավոր պրոդյուսեր Թինա Կանդելակին մեկնաբանել է հոկեյի «Օմսկի բազեներ» ակումբի հարձակվող Արտյոմ Մանուկյանի ՌԴ լավագույն երիտասարդ հոկեյիստ կոչման արժանանալու փաստը:
Հաղորդավարուհին, որը նույնպես ներկա էր Հոկեյի Կոնտինենտալ լիգայի մրցանակաբաշխությանը շոումեն Միխաիլ Գալուստյանի ընկերակցությամբ, «Ինսթագրամ»-ի իր էջում տեսանյութ է տեղադրել Մանուկյանին մրցանակ շնորհելու պահից, և բացահայտել իր համար, որ հոկեյում մրցանակը տրվում է հայի:
«Արտյոմ Մանուկյան: Վայ, վայ: Հայերը հոկեյում մրցանակի են արժանանում: Գալուստյանը շոկի մեջ է: Ֆուտբոլ, հոկել, հայեր, առաջ Հայաստան: Հետո գեղասահքն է, մարմնամարզությունը և ծովափնյա վոլեյբոլը», - մեկնաբանել է Կանդելակին:
Տեսաձայնագրությունում լսվում է նաև, թե ինչպես է Կանդելակին փորձում Արտյոմ Մանուկյանից ճշտել, արդյո՞ք նա տիրապետում է հայերենի. «Այ տղա, հայերեն խոսում ես»:
Zham.am
Հետևեք մեզ Facebook-ում