Ես հիմա կպատմեմ ողջ իրականությունը․ Վանեցյանը՝ Կադիրովի հետ ընկերության մասին. Տեսանյութ
«Երկրի հարցը» հաղորդման շրջանակում այսօր «Պատիվ ունեմ» դաշինքի վարչապետի թեկնածու Արթուր Վանեցյանը պատմել է Չեչնիայի նախագահ Ռամզան Կադիրովի լուսանկարի, ինչպես նաև՝ Չեչնիա կատարած այցի մասին։
«Նախ՝ Ռամզան Կադիրովն այն մարդն է, որի հետ ընկերություն անելը միայն պատիվ է բերում։ Գիտենք, որ Հայաստանը Ռուսաստանի հետ կապող մեկ ցամաքային ճանապարհ ունի՝ Լարսի կիրճով, որը տարվա կեսը խցանումներով է գործում։ Ուսումնասիրությունների արդյունքում ինձ պարզ դարձավ, որ Վրաստանի տարածքով հնարավոր է դեպի Ռուսաստան ևս մեկ ճանապարհ ունենալ՝ Իտում-Կալի – Շատիլի ճանապարհը, որը սահմանակից է Չեչնիայի հետ։ Վրաստանի այն ժամանակվա վարչապետ Գախարիայի հետ խոսել եմ, ասել՝ հնարավո՞ր է այդ ճանապարհը կառուցել և այն սկսի գործել։ Նա ասել է, թե իրենց կողմից հնարավոր է, եթե մենք կարողանանք պայմանավորվել Ռուսաստանի հետ։ Մեկնել եմ Ռուսաստան, հանդիպել եմ Կադիրովին, ներկայացրել եմ այդ ծրագիրը, վերջինս իր համաձայնությունն է տվել։ Այդ ճանապարհը սկսել ենք կառուցել, մնացել է ընդամենը 2 կմ տարածք։ 2 կմ տարածք կառուցելուց հետո Հայաստանը կունենա այլընտրանքային ճանապարհ դեպի Ռուսաստան» , - ասել է Արթուր Վանեցյանը։
Հետևեք մեզ Facebook-ում