Ռուբեն Վարդանյան․ «Ժամանակն է երկիրը հաջողակ ու բարգավաճող դարձնելու համար» (Տեսանյութ)

Ռուսաստանաբնակ հայտնի գործարար Ռուբեն Վարդանյանի կարծիքով, Հայաստանի անկախության նախորդ 25 տարիները բավարար էին պատմությունը գնահատելու և եզրակացությունների համար, իսկ այժմ ժամանակն է երկիրը հաջողակ ու բարգավաճող դարձնելու համար:

«Մենք անցել ենք մի ոչ դյուրին փուլ՝ շատ լուրջ ճգնաժամից դեպի վերականգնում, և այժմ մեր ամբիցիաների հարցն է, թե ինչպես անել, որ ճգնաժամից վերականգնված բավականին կայուն երկիրը դարձնենք ծաղկող և հաջողակ», - «Ազատության» հետ զրույցում ասաց Վարդանյանը:

Ռուսաստանաբնակ գործարարն այսօր Երևանում մասնակցում էր Հայաստանի անկախության 25 տարիների անցումային շրջանն ամփոփող կոնֆերանսին:

Վարդանյանը, ով վարչապետ Կարեն Կարապետյանին աջակցություն հայտնած և Հայաստանում ներդրումներ խոստացող գործարարների ցանկում է, նշեց, որ իր իրականացրած ծրագրերը բավարար չի համարում․ - «Ես կյանքում բավարարված չեմ ինձանից առաջին հերթին: Իմ հայրս տենց էր․ մեր նկատմամբ միշտ պահանջը դնում էր էն մակարդակի, որ կյանքում չէին կարող հասնել: Դրա համար չեմ պատկերացնում, որ ես կյանքում բավարարված լինեմ: Ես ուրախ եմ, որ չնայած դժվարություններին, մենք շատ բաներ արել ենք և առաջ ենք անցել: Շատ դժվարություններ ենք տեսել, շատ բաներ չի հաջողվել, ոչ բոլորն ենք արել, ինչ որ մենք պլանավորում էին, բայց, իհարկե, հիմա հետ նայելով ուրախանում ենք, որ էդքանը արել ենք՝ չնայած ամեն ինչին»:

Մանրամասները՝ Azatutyun.am-ի տեսանյութում: