Չենք գալիս գլխներիդ մուրճ ջարդելու, գալիս ենք երկիր շենացնելու․ Ռոբերտ Քոչարյան

Սիրելի մասիսցիներ, շնորհակալ ենք բոլորիցդ։ Ես ոզում եմ մի ճշտում մտցնել, մենք այդ մուրճը օգտագործելու ենք շինարարության համար, երկիրը կառուցելու համար։ Այս մասին քիչ առաջ քարոզարշավի շրջանակում «Հայաստան» դաշինքի համակիրների հետ հանդիպման ժամանակ Մասիսում իր ելույթում ասաց դաշինքի առաջնորդ, ՀՀ երկրորդ նախագահ Ռոբերտ Քոչարյանը։

«Ակնհայտ է, որ երկու միավոր է պայքարում, ասպես ասած, առաջատար դիրքերի վրա ընրտական այս պրոցեսներում։ Դա գործող իշխանությունն է ու «Հայաստան» դաշինքը։ Ճիշտ ընտրություն կատարելու համար, զգացմունքային մասը մի կողմ դնելով, փորձենք հասկանալ՝ որ թիմը ինչ է իրենից ներկայացնում։ Իրականության մեջ ընտրությունը հենց դրա մասին է։ Հիմա ի՞նչ ունենք մենք ու ինչ ունենք նրանք։ Նրանց մոտ բացարձակ դատարկություն է կազմակերպչական առումով, բացարձակ դատարկություն է բարոյական տեսանկյունից։ Այս իշխանությունը իշխանություն գալուց խոստացել էր մեզ խաղաղություն, բայց մենք ստացանք պատերազմ, ստացանք զոհեր, ստացանք տարածքային հսկայական կորուստներ։ Չեմ ուզում թվերի մասին խոսել, որովհետև թվերի մասին բազմաթիվ անգամ նշվել է»,- ասաց Քոչարյանը։

«Հետաքրքիր է, որ այս իշխանությունը չի ընդունում, որ այս ամենի մեջ ինքը մեղավոր է։ Այս իշխանությունը խոստացել է թռիչքաձև տնտեսական աճ, ասում էին՝ ունենք կախարդական փայտիկ, մենք ստացանք թռիչքաձև անկում, գործազրկության աճ, արտագաղթ։ Իրենք շատ բան էին խոստացել, օրինակ՝ կոռուպցիայի դեմ պայքար, բայց հենց իրենք են թաթախվել կոռուպցիայի մեջ։ Իրենց պայքարում չկա գեթ մեկ օրինական վճռի մեջ մտած դատավճիռ կոռուպցիոն բնույթի , ուղղակի չկա ու վերջ։ Իրենք խոստացել են սիրո և համերաշխության հեղափոխություն, բայց այս ողջ ընթացքում մուրճը ձեռքին՝ ծեծելու մասին է խոսում։ Սա այն է, ինչ ունենք մենք այսօր։ Իսկ մյուս կողմից կա «Հայաստան» դաշինք, որը ասում է՝ չենք գալիս մուրճը գլխներիդ ջարդելու, այլ գալիս է երկիրը շենացնելու»,-հավելեց ՀՀ երկրորդ նախագահը։