Քաղաքական կրկեսը ծաղկում է ոչ միայն Հայաստանում, այլև Ռուսաստանում. ո՞վ է Պակլոնսկայայի ամուսինը

Պարզվում է կրկեսի է նմանվել ոչ միայն Հայաստանի  այլև Ռուսաստանի քաղաքական դաշտը:

Վերջերս իշխանամետ պատգամավորներից մեկը Ղրիմի Հանրապետության նախկին գլխավոր դատախազ Նատալյա Պոկլոնսկայան ասել էր, որ ռուսական ընդդիմադիր շրջանակներից մեկը կասկածելի ֆինասավորում ունի, ի պատասխան դրա ռուսական օպոզիցիոն շրջանակները սկսել են կասկածել Պոկլոնսկայաին ոչ թափանցիկ գործունեության մեջ: Երկար-բարակ փորփրելուց հետո նրանք բացահայտել են, որ Նատալյա Պոկլոնսկայան… ամուսին ունի, բայց մինչ այսօր չի բացահայտել նրա անունը:

Այս կապակցությամբ «Յաբլոկո» կուսակցության կարկառուն գործիչներից մեկը՝ Ալեքսեյ Կարնաուխովը հայտարարել է, որ «Պոկլոնսկայան պետք է անկեղծ ու ազնվորեն բացահայտի իր անձնական կյանքը հանրության առջև, և, մասնավորապես, մտահոգիչ է, որ նա թաքցնում է իր ամուսնու անունը: Պոկլոնսկայայի քայլը անպատասխանատվության դրսևորում է հանրուրթյան առջև»: Լուրջ-լուրջ հիմնավորել է «Յաբլոկո»-ի ներկայացուցիչը: Իսկ մեկ այլ գործիչ, նշել է, որ Պոկլոնսկայայի այս որոշման մեջ կոռուպցիոն դրսևորում է նկատվում:

Կարելի է ասել, որ հետխորհրդային երկրների քաղաքական դաշտը կամաց-կամաց կրկեսի է վերածվում, որտեղ մարդկանց «կերակրելով» տեսարաններով, այսպես կոչված, գործիչները փորձում են հայտնի դառնալ հանրությանը: Արդյունքը լինում է այն, որ հանրությունը հոգնում է քաղաքական խեղկատակներից և առաջ է գալիս, այսպես ասած, «ուժեղ ձեռք» ունենալու գաղափարի պահանջարկը:

Հակով Կարապետյան