Քիմ Քարդաշյանի ցավակցական գրառումը Մանչեսթերում տեղի ունեցած ահաբեկչության վերաբերյալ համացանցում զայրույթ է առաջացրել (լուսանկար)
Քիմ Քարդաշյանը ժամեր առաջ սոցիալական կայքերի էջերից մեկում ցավակցական գրառում է կատարել Մանչեսթերում նախօրեին տեղի ունեցած պայթյունի վերաբերյալ, կազմակերպված «Իսլամական պետություն» ահաբեկչական խմբավորման մահապարտի կողմից: Գրառմանը կից նա լուսանկար է հրապարակել Արիանա Գրանդեի և Քենդալ Ջեների հետ, որտեղ նրանք ժպտում են:
«Աղոթում եմ բոլոր նրանց համար, ովքեր տուժել են Մանչեսթերում: Դա այնքան դաժան և անհոգի է: Ես չեմ կարող պատկերացնել այդ ծնողների վախն ու տառապանքներն իրենց երեխաներին փնտրելու ժամանակ: Համերգները պետք է այն վայրերը լինեն, որտեղ դու կարող ես զվարճանալ և հանգստանալ: Այնքան սարսափելի է այս աշխարհում քեզ անվտանգ չզգալը: Իմ սիրտը ցավում է Արիանա Գրանդեի համար, ես քեզ սիրում եմ», - գրել է նա:
Բայց, ահա, նրա հետևորդներին հուզել է ոչ թե նրա գրառումը, այլ գրառմանը կից լուսանկարը: Օգտատերերին զայրացրել է այն փաստը, որ Քիմը լուսանկարում ժպտում է, մինչդեռ Մանչեսթերում տեղի ունեցածը ժպիտի առիթ չի տալիս:
«Քիմ, մենք երբեք չենք մոռանա քո գրառումը և կից լուսանկարը: Դա այնքան բան է ասում քո մասին», - գրել է օգտատերերից մեկը:
Zham.am
Հետևեք մեզ Facebook-ում