Ֆրանց Կլինցևիչ. Հայերը չեն, որ սադրանքներով են զբաղվում Ղարաբաղում
Այն, որ այսօր Ղարաբաղում նորից ուժգնանում են սադրանքները խոսում է այն մասին, որ ինչ-որ մեկը նորից շահագրգռված է հակամարտության սրման մեջ, գտնում է Ռուսաստանի Դաշնային ժողովի Դաշնային խորհրդի պաշտպանության և անվտանգության հարցերով հանձնաժողովի նախագահի առաջին տեղակալ Ֆրանց Կլինցևիչը:
«Երրորդ պետությունների մոտ կա գիտակցում, որ հայերի մարժեհամակարգը թույլ չի տալիս չպատասխանել ագրեսիային և ցանկացած ապակառուցողական գործողության: Նրանք գիտեն, որ հայերից պատասխան կստանան, ուստի ես Հայաստանի ղեկավարությանը ցանկանում եմ իմաստություն, որպեսզի իրավիճակը դուրս չգա վերահսկողությունից», - «РУСАРМИНФО»-ի հետ զրույցում ասաց Կլինցևիչը:
Ղարաբաղում իրավիճակն այնքան բարդ է, որ ցանկացած պահի կարող է պատերազմ բռնկվել, գտնում է Ֆրանց Կլինցևիչը:
«Այս իսկ պատճառով առաջին հերթին պետք է դադարեցնել կրակը և նստել բանակցությունների սեղանի շուրջ: Սակայն դա հայերին չի վերաբերում, քանի որ նրանք չեն սադրանքներով զբաղվում Ղարաբաղում: Այդ գործողությունների բոլոր հետևանքները թող մնան սադրիչի խղճին», - ասաց նա:
Zham.am
Հետևեք մեզ Facebook-ում