Քանյե Ուեսթն իր ծննդյան օրը նշել է Իրինա Շեյքի հետ՝ Ֆրանսիայում

Ամերիկացի ռեփեր Քանյե Ուեսթն իր 44-րդ տարեդարձը նշել է ռուս սուպերմոդել Իրինա Շեյքի հետ, գրում է TMZ-ը: Հաղորդվում է, որ հունիսի 8-ին աստղերին նկատել են Ֆրանսիայում. նրանք զբոսնելիս են եղել հյուրանոցի տարածքում։ Պարբերականի աղբյուրները հաստատել են, որ հիփ-հոփ երգիչն իսկապես սիրավեպ է սկսել Շեյքի հետ։ Սակայն առայժմ հայտնի չէ, թե որքանով են լուրջ նրանց հարաբերությունները։ Պարբերականի տեղեկություններով՝ Ուեսթն ու Շեյքը միասին են վերադարձել ԱՄՆ։ Մասնավոր ինքնաթիռը, որում նրանք գտնվել են, հունիսի 9-ին վայրէջք է կատարել Նյու Ջերսիի Թեթերբորո օդանավակայանում: Հայտնիները դեռ ոչ մի կերպ չեն մեկնաբանել իրենց կապը։ Ավելի վաղ Շեյքը բազմիցս մասնակցել է Ուեսթի նախագծերում։ 2010 թվականին նա նկարահանվել է Ուեսթի Power երգի տեսահոլովակում, ինչպես նաև ներկայացրել նրա բրենդի հագուստը։ Հիշեցնենք՝ մայիսին արևմտյան մի շարք լրատվամիջոցներ իրենց կասկածն էին հայտնել Շեյք-Ուեսթ սիրավեպի մասին։