Տղամարդիկ ինձանից վախենում են. Սավչենկոն իր անձնական կյանքի մասին (տեսանյութ)

Ուկրաինայի Գերագույն Ռադայի պատգամավոր Նադեժդա Սավչենկոն պատասխանել է պրովոկացիոն հարցերի իր անձնական կյանքի մասին:

«Світське життя» հաղորդաշարի հաղորդավար Կատյա Օսադչեի հետ հարցազրույցում Նադեժդան պատմել է երկրպագուների և տղամարդկանց կողմից ուշադրության մասին: 

Կատյան փորձել է պարզել, արդյոք Նադեժդան ընտրյալ կամ փեսացու ունի, սակայն  կին պատգամավորը չցանկացավ խոսել դրա մասին:

«Յուրաքանչյուր կին իր անձնական կյանքն ունի և ինչ-որ տաղանդներ, բայց դա, ցավոք, ոչ մեկին չի հետաքրքրում: Բոլորին հետաքրքրում է, ինչ ունի Նադեժդա Սավչենկոն: Այն ամենն ինչ ես ունեմ՝ իմ համար է, հոգու համար: Ինչը ես կարող եմ կիսել ուկրաինացիների հետ, մեծ սիրով կկիսեմ, ինչը իմն է՝ իմն է», - ասաց նա:

Պատասխանելով այն հարցին, թե նա ունի երկրպագուներ, ասաց, որ տղամարդիկ վախենում են իրենից: 

«Ես այն կինն էի, անգամ մինչ հայտնի դառնալը, որից տղամարդիկ միշտ վախենում էին և շարունակում են վախենալ: Ոչինչ չի փոխվել: Ինձ կարող են մոտենալ միայն համարձակ տղամարդիկ», - խոստովանեց Նադեժդան:

Ճշտող հարցին ի պատասխան՝ կան արդյոք այդպիսինները Գերահույն Ռադայում, Սավչենկոն միանշանակ պատասխանեց. «Ոչ, Գերագույն Ռադայում տղամարդիկ չկան, Գերագույն Ռադայում կան ժողովրդական պատգամավորներ»:

Zham.am