«Այս ընտրությունները Հայաստանի լինել-չլինելու մասին են». Արթուր Վանեցյան. Տեսանյութ
Այսօր Հայաստանի Հանրապետությունում կան իրենց ՀՀ քաղաքացի համարող ստահակներ, որոնք բացահայտ և անկաշկանդ քարոզում են հազարավոր զավակների սպանած, հայրենիքի մի հատվածը բռնազավթած, զինվորներ գերեվարված թշնամու թեզերը։ Այս մասին այսօր «Պատիվ ունեմ» դաշինքի նախընտրական քարոզարշավին ասաց դաշինքի նախընտրական ցուցակը գլխավորող Արթուր Վանեցյանը։
«Վստահե՛ք մեզ, որովհետև մենք ուժեղ ենք, արդարամիտ և խոհեմ, վստահեք եթե ուզում եք ազատել մեր երկիրը չարի լծից։ Վստահե՛ք մեզ, եթե հոգնել եք նախկին, ներկա, «սև–սպիտակ», «աջլիկ–ձախլիկ» բաժանումներից»,–ասաց նա։
Արթուր Վանեցյանը նշեց, որ մի քանի օր առաջ Արցախում էի և, երևի, կյանքի ամենադժվար ճանապարհն էր, ամենածանր զրույցները, ամենահուզական այցելությունները։
«Ուզում եմ ուղիղ հարցնել դավաճան կապիուլյանտին, դու նամուս ունե՞ս, դու թասիբ ունե՞ս, դու պատիվ ունե՞ս։ Հունիսի 20-ը մեր նոր փորձությունն է, այս ընտրությունները սովորական ընտրություններ չեն, այս ընտրությունները Հայաստանի լինել–չլինելու մասին է, բայց ես որևէ կասած չունեմ, որ այն միասին և արժանապատվորեն հաղթահարելու ենք, հայրենիքը հարատևելու է, Հայկը կրկին հաղթելու է Բելին»,–ասաց նա։
Մանրամասները՝ Tert.am-ի տեսանյութում:
Հետևեք մեզ Facebook-ում