Դանիել Իոաննիսյանը գո՞րծ է տալիս Մուկուչյանի վրա Նիկոլ Փաշինյանին

Ինչպես հայտնի է, վարչական դատարանը բավարարել է Ռոբերտ Քոչարյանի հայցն ընդդեմ Կենտրոնական ընտրական հանձնաժողովի այն որոշման, որով նախընտրական փուլում պետք է հանվեին Ռոբերտ Քոչարյանի՝ «Կյանք և ազատություն» ու «Հայաստանը կառուցելիս» պաստառները:

Եվ, ահա, դատարանի այս որոշումը, պարզվում է, խիստ նյարդայնացրել է հայտնի սորոսական Դանիել Իոաննիսյանին: Վերջինս կարծում է, որ ԿԸՀ-ն հատուկ թույլ հիմնավորում էր ներկայացրել, որպեսզի պարտվի դատարանին, հնարավոր բողոքի դեպքում:

«...ԿԸՀ-ն իր մասով մտածված կամ չմտածված ամեն ինչ արել է, որ իր իսկ որոշումը անվավեր ճանաչվի...»,-նշել էր Իոաննիսյանը իր ֆեյսբուքյան գրառման մեջ, ակնարկելով Փաշինյանին, որ Մուկուչյանը, հավանաբար, այսպես ասած, «տակից աջակցում է Քոչարյանի դաշինքին»:

Դժվար է ասել, թե Իոաննիսյանի այս ճիչը խուճապի, թե շփոթվածության նշան է: Ակնհայտ է, որ սորոսական Իոաննիսյանի համար մահացու վտանգավոր կարող է լինել հունիսի 20-ից հետո հավանական իշխանափոխությունից, քանզի դրանից հետո այլևս նրա հետագա «գործնեությունը» կարող է կասկածի տակ դրվել: Կարող են առաջանալ հարցեր, թե ինչպես ստացվեց, որ Արցախի ընտրությունների միակ հիմնական դիտորդը Հայաստանից ճանաչվեց հենց Իոաննիսյանի կազմակերպությունը, որն ակնհայտ աշխարհաքաղական կոնկրետ պատվեր էր հիշեցնում, և նաև որի արդյունքում էլ, որոշ ժամանակ անց, Ղարաբաղը կորցրեց իր տարածքների մեծ մասը: Միայն միամիտներն այստեղ չեն գտնի զուգադիպություններ և որի համար Իոաննիսյանը դեռ շատ բան ունի պատմելու ապագայում, Հայաստանի արդարադատությանը:

Սա է իրականությունը:

Դավիթ Մկրտչյան