ԱՄՆ-ն խնդրել է Լեհաստանին գնել թուրքական Bayraktar-ներ

Թուրքիայի խորհրդարանի անդամ Վեդադ Դեմիրոզն օրերս նշել է, որ Վաշինգտոնը հորդորել է, որ Լեհաստանը գնի թուրքական 24 հատ Bayraktar TB2: Այս մասին հայտնում է Ahvalnews-ը: Հիշեցնենք, որ Թուրքիան Լեհաստանի հետ այս մասին համաձայնագիրը ստորագրել էր մայիսի 22-ին:

Ըստ թուրք պատգամավորի, ԱՄՆ-ն շատ տպավորված է Լիբիայում, Սիրիայում և Ղարաբաղում թուրքական Bayraktar-ների գործողություններից, հենց այդ պատճառով էլ ԱՄՆ-ն ցանկանում է, որ Լեհաստանը և ՆԱՏՕ-ի անդամ մյուս երկրները նման զինատեսակներ ունենան իրենց ռազմական զինանոցում:

Ըստ թուրք պատգամավորի, ամերիկացի փորձագետները կարծում են նաև, որ ռուսական համապատասխան հակաօդային զենքը, որն օգտագործվում է թուրքական Bayraktar-ների դեմ այնքան էլ արդյունավետ չէ, այդ պատճառով էլ Bayraktar-ների վաճառքի հարցը բարձրացվել է նաև Ուկրաինայի և Թուրքիայի ղեկավարների` Զելենսկու և Էրդողանի վերջերս կայացած հանդիպման ժամանակ:

Մինչդեռ, ըստ ռուս ռազմական փորձագետների, թուրքական Bayraktar-ի դերն ու ազդեցությունը չափազանց ուռճացված է, ինչը ապացուցվեց Սիրիայում Ասադի բանակի հակաօդային պաշտպանության համակարգերի արդյունավետ գործողություններով՝ թուրքական անօդաչու թռչող սարքերի դեմ:

Zham.am