«Ես ասում եմ՝ խնդրում եմ, մի՛ նկարահանեք, նա շարունակում է հեռախոսը պահել իմ դեմքին». Հայկ Սարգսյան. Տեսանյութ
«Երեկ՝ 19:00-ի սահմաններում, երբ ես քաղաքում էի իմ ընկերների հետ ոչ աշխատանքային ժամին, նկատում եմ, որ ինչ-որ կին ինձ հեռվից նկարում է և իմ ընկերներին: Մոտենում է ինձ նկարելով և սկսում պտտվելով նկարել ինձ ու իմ շրջապատի մարդկանց, որը, բնականաբար, հաճելի չէր ո՛չ ինձ, ո՛չ իմ ընկերներին»,- ԱԺ-ում պարզաբանում տալով երեկ՝ լրագրողի հեռախոսը «թռցնելու» միջադեպին, ասաց իմքայլական պատգամավոր Հայկ Սարգսյանը:
Շարունակելով ներկայացնել տեղի ունեցածը՝ պատգամավորն ասաց. «Մոտենում և ասում է՝ «Բարև Ձեզ, ես «Հրապարակ» օրաթերթից եմ, իսկ ես ասում եմ՝ «Խնդրում եմ մի նկարահանեք, ես գործի տեղը չեմ, և իմ սահմանադրական իրավունքն է ազատ շրջել քաղաքում, և որևէ մեկը չի կարող իմ ազատությունը սահմանափակել:
Նա շարունակում է հարցեր ուղղել և հեռախոսը պահել իմ դեմքին, ինչի արդյունքում ես հեռախոսը վերցնում եմ, ջնջում եմ տվյալ հոլովակը»:
Հետևեք մեզ Facebook-ում