Ադրբեջանը պատրաստ է Հայաստանի հետ բանակցություններ սկսել խաղաղության պայմանագրի ստորագրման համար, սակայն Հայաստանը դեռևս չի արձագանքել. Ալիև

Հունիսի 2-ին Եվրոպական խորհրդի նախագահ Շառլ Միշելը հեռախոսազրույց է ունեցել Ադրբեջանի նախագահ Իլհամ Ալիևի հետ, հայտնում է minval.az-ը: 

Շառլ Միշելը Եվրամիության անունից պատրաստակամություն է հայտնել աջակցելու Հայաստանի և Ադրբեջանի միջև սահմանագծման ու սահմանազատման գործընթացի մեկնարկին` կողմերին կոչ անելով թափանցիկության պայմաններում համագործակցել այն հարցերի շուրջ, որոնք առնչվում են  պահվող անձանց, ականազերծմանը և այլ մարդասիրական հարցերին:

Ալիևը  նշել է, որ Ադրբեջանը պատրաստ է Հայաստանի հետ բանակցություններ սկսել խաղաղության պայմանագրի ստորագրման համար, սակայն Հայաստանը դեռևս չի արձագանքել այդ կոչին:

Շառլ Միշելը կողմերին կոչ է արել կառուցողական միջավայրում բանակցություններ սկսել:

Zham.am