Հայրենիքը փրկողը դուք եք, ես փորձում եմ ճանապարհը ցույց տալ. Ռոբերտ Քոչարյան. Տեսանյութ
Հայրենիքը փրկողը դուք եք, ես փորձում եմ ճանապարհը ցույց տալ: Այս մասին մայիսի 31-ին Շիրակի մարզի քաղաքացիների եւ «Հայաստան» դաշինքի ակտիվի հետ հանդիպման ժամանակ նշել է ՀՀ երկրորդ նախագահ, «Հայաստան» դաշինքը գլխավորող Ռոբերտ Քոչարյանը:
Անդրադառնալով ամիսներ առաջ Նիկոլ Փաշինյանի՝ սատանաներ փնտրելու ԱԱԾ-ին տրված հանձնարարականին, Քոչարյանն ասաց. «Եթե կառավարության նիստին հանձնարարում են, որ սատանա փնտրեք, իսկ ԱԱԾ տնօրենն էլ ասում ՝ այո, փնտրում ենք, մենք ինչ պետք է մտածենք այդ ծառայության մասին:
Երբ պատերազմի երկրորդ օրը գնացել եմ Ղարաբաղ, երկու խումբ ինձ էին հետեւում, թե ես Ղարաբաղում ինչ եմ անում: Պատերազմի ժամանակ գոնե մոբիլիզացնեն ուժերը հակառակորդին հարվածխ հասցնելու համար, այդ ուժերը կենտրոնացել են ինձ հետեւելու, որ հասկանան, թե ինչու եմ եկել Ղարաբաղ: Այս ճանապարհով մենք քանդում ենք անվտանգության համակարգը: Այս ամենը խելքի է գալու: Մենք նորմալ ծառայություններ ունենային, երբեք երկրի վարչախումբը պատերազմից երեք օր առաջ չէր ասի, որ Թուրքիան մասնակցություն չի ունենալու պատերազմում»:
Նա հավելեց, որ սա այն ոլորտն է, որտեղ շատ արագ մենք արդյունք են ստանալու, որովհետեւ ԱԱԾ պրոֆեսիոնալ կազմ ունի:
Հետևեք մեզ Facebook-ում