Հայրենիքը պաշտպանել չեք կարողանում, գոնե ձեր արժանապատվությունը կարողացեք պաշտպանել
Հայրենիքը պաշտպանել չեք կարողանում, գոնե ձեր արժանապատվությունը կարողացեք պաշտպանել։
Որքան որ ինձ է հայտնի, բարձրաստիճան սպաներին և գեներալներին հատկացվում է ծառայողական ատրճանակ։ Չեմ կարծում, որ որևէ մեկը կմտածի, որ դա նախատեսված է սահմանից այն կողմ գտնվող թշնամու հետ պատերազմում կռվելու համար։ Այդ ատրճանակով հրամանատարները պետք է չեզոքացնեն իրենց ծառայությանը խանգարողներին կամ ինքնասպան լինեն՝ թշնամու ձեռքում չհայտնվելու համար։
Լուսանկարում պատկերված զինվորականը մեկն է այն գեներալներից, որը 2021 թվականի փետրվարի 25-ին ստորագրել է մի հայտարարության տակ, որտեղ գրված էին հետևյալ բառերը․ «ՀՀ վարչապետը և կառավարությունն այլևս ի վիճակի չեն ընդունելու ադեկվատ որոշումներ՝ հայ ժողովրդի համար այս ճգնաժամային և ճակատագրական իրավիճակում․․․Գործող իշխանությունների անարդյունավետ կառավարումը և արտաքին քաղաքականությունում ցուցաբերած լրջագույն սխալները երկիրը հասցրել են կործանման եզրին:
Ստեղծված իրավիճակով պայմանավորված՝ ՀՀ զինված ուժերը պահանջում են ՀՀ վարչապետի և կառավարության հրաժարականը, միաժամանակ նախազգուշացնում՝ ձեռնպահ մնալ ժողովրդի դեմ ուժ կիրառելուց, ում զավակները զոհվել են՝ պաշտպանելով Հայրենիքն ու Արցախը: Բանակը միշտ եղել է ժողովրդի հետ, ինչպես ժողովուրդն է բանակի հետ»։
Պարզվում է այս և մյուս գեներալների գնահատականները և կանխազգացողությունները ճիշտ էին և այդ հայտարարությունից մի քանի ամիս անց, խաղաղության հրադադար հաստատելուց հետո, Հայաստանի տարածքում, իր պատասխանատվության տարածքում, ադրբեջանցիները սպանել և գերի են վերցրել իր ենթակայության տակ ծառայող զինվորներին, իսկ ինքը դեմքին լուրջ արտահայտություն տված, հայ ժողովրդի ամենամեծ թշնամուն պատիվ է տալիս և զեկույցներ է ներկայացնում։
Պարզվում է նմանների պակաս Զինված ուժերում առայժմ չի զգացվում։
Փրկե՛ք Ձեր պատիվն ու արժանապատվությունը պարոնայք սպաներ և գեներալներ։ Այդպես Դուք ոչ միայն ծառայել, այլև ապրել չեք կարող։
Էդգար Ղազարյանի ֆեյսբուքյան էջից
Հետևեք մեզ Facebook-ում