Դեռևս մեկ ամիս առաջ ադրբեջանական համալսարաններից մեկում ելույթ ունենալիս՝ Ալիևը դժգոհել է Հայաստանի ԱԳՆ֊ից

Խոսելով հայաստանյան «իշխանությունների» մասին՝ միակ անձը, ում թիրախավորել է Ալիևը, արտաքին գործերի նախարարն է: Ըստ Ապշերոնի սուլթանի՝ նա առանձնանում է ապակառուցողական կեցվածքով: Ինչ վերաբերում է դավաճանական ռեժիմի պարագլխին ու նրա սպասարկուներին, ապա նրանց հասցեին հնչեցված գնահատականները կրում էին ընդհանրական, խիստ մակերեսային բնույթ: Իհարկե, ԱԳ նախարարի թիրախավորումը ամենևին չի նշանակում, որ Ալիևը առանձնացրել է նրան՝ որպես նիկոլական ռեժիմի անտիպոդի: Մինի-սուլթանը պարզապես հուշում է իր հայաստանյան խամաճիկին, որ ՀՀ ԱԳՆ-ում անհրաժեշտ են լուրջ վերադասավորումներ, քանի որ դժվար է աշխատել մի կառույցի հետ, որը դեռևս պահպանում է որոշակի ինստիտուցիոնալ իմունիտետ։