Իրանում մեկնարկել են նախագահական ընտրությունները

Իրանը նոր նախագահ է ընտրում: Երկրի բոլոր քաղաքներում բացվել են ընտրատեղամասերը, հաղորդում է ազգային ընտրական հանձնաժողովը:

Ձայնի իրավունք ունի 56 միլիոն մարդ: Ընդհանուր 63 հազար ընտրատեղամաս է գործում:

ԻԻՀ նախագահի թեկնածուները չորսն են՝ Հասան Ռոհանին, Իբրահիմ Ռեիսին, նախկին փոխնախագահ Մուսթաֆա Խաշեմին և պահպանողական թեկնածու Մուսթաֆա Աղա-Միսրալիմը:

Եթե նրանցից ոչ ոք առաջին փուլում չհավաքի ձայների ավելի քան 50 տոկոսը, ապա մեկ շաբաթ անց կանցկացվի նախագահական ընտրությունների երկրորդ փուլը, առավել ձայներ ստացած թեկնածուների մասնակցությամբ: Հաղորդում է «ՌԻԱ Նովոստի»-ն:

Zham.am