Ինչու Վահե Էնֆիաջյանն ընդգրկված չէ ԲՀԿ ընտրական ցուցակում. Արման Աբովյանի մեկնաբանությունը

Գոյություն ունի սերնդափոխության տրամաբանություն, յուրաքանչյուր քաղաքական ուժ, եթե ուզում է լինել լիարժեք, պետք է միշտ այդ փոփոխությունները լինեն, պետք է ճանապարհ հարթվի երիտասարդների համար: Այս մասին, այսօր՝ մայիսի 26-ին, ԿԸՀ-ում լրագրողների հետ զրույցում նշեց ԲՀԿ խմբակցության քարտուղար Արման Աբովյանը՝ պատասխանելով հարցին, թե ինչու Վահե Էնֆիաջյանն ընդգրկված չէ ԲՀԿ ընտրական ցուցակում:

«Հորդորում եմ սեւ կատում մութ սենյակում չփնտրել, գոյություն ունի հստակ գաղափար, մենք ԲՀԿ-ի մեր անդամների հետ դեռ երկար ճանապարհ ունենք անցնելու: Վահե Էնֆիաջյանը մեր թիմի անդամ է»,-ասաց նա:

Հիշեցնենք, որ օրեր առաջ ԲՀԿ խմբակցության պատգամավոր Նաիրա Զոհրաբյանը եւս հայտարարել էր, որ չի մասնակցելու ընտրություններին:

Աղբյուր՝ NEWS.am