«Հայաստան» դաշինքի հրապարակված նախընտրական ցուցակը մասամբ է համապատասխանում իրականությանը

Այսօր մամուլում հրապարակված «Հայաստան» դաշինքի նախընտրական ցուցակը մասամբ է համապատասխանում իրականությանը: Այս մասին NEWS.am–ին հայտնեցին դաշինքի շտաբից՝ պատասխանելով մեր այն հարցին, թե որքանով են իրականությանը համապատասխանում այսօր լրատվամիջոցներում հրապարակված՝ դաշինքի նախընտրական ցուցակը։

«Շտաբը պաշտոնապես կտեղեկացնի»,– հայտնեցին շտաբից:

Հիշեցնենք, որ  ArmLur.am-ն այսօր ներկայացրել էր քաղաքական ուժերի նախընտրական ցուցակների առաջին տասնյակները: Ըստ կայքի՝ «Հայաստան» դաշինքի առաջին տասնյակը հետեւյալ տեսքն ունի։

1, ՀՀ երկրորդ նախագահ Ռոբերտ Քոչարյան

2, ՀՅԴ ԳՄ անդամ Իշխան Սաղաթելյան

3, ԱԺ անկախ պատգամավոր Աննա Գրիգորյան

4, Սյունիքի նախկին մարզպետ Վահե Հակոբյան

5, ՀՀ նախկին փոխվարչապետ Արմեն Գևորգյան

6, ՀՅԴ անդամ  Լիլիթ Գալստյան

7, ՀՅԴ անդամ Արծվիկ Մինասյան

8, ԱԺ նախկին պատգամավոր Վահե Հովհաննիսյան

9, ԱԺ նախկին պատգամավոր Էլինար Վարդանյան

10, ՀՅԴ անդամ Գեղամ Մանուկյան