«ԱՄՆ-ը հավատարիմ է մնում Մինսկի խմբի շրջանակում ԼՂ խնդրի կարգավորմանը»․ Բայդենը՝ Ալիևին
ԱՄՆ-ը՝ որպես ԵԱՀԿ Մինսկի խմբի համանախագահ երկիր, կշարունակի աջակցություն ցուցաբերել Լեռնային Ղարաբաղի հակամարտության քաղաքական կարգավորմանը: Այս մասին հայտարարել է ԱՄՆ նախագահ Ջո Բայդենը Ադրբեջանի նախագահ Իլհամ Ալիևին Հանրապետության օրվա առիթով ուղարկված նամակում:
«Ամերիկայի Միացյալ Նահանգները վճռականորեն պաշտպանում է Ադրբեջանի ներդրումը Եվրոպայի էներգետիկ դիվերսիֆիկացման գործում անցյալ տարի Հարավային գազային միջանցքի շահագործման հանձնմամբ եւ այս տարի Թուրքմենստանի հետ համատեղ հետախուզման եւ Կասպից ծովում հանքավայրի շահագործման վերաբերյալ փոխըմբռնման հուշագրով: Մենք երախտապարտ ենք Ադրբեջանին Աֆղանստանում ՆԱՏՕ-ի առաքելությանն ու ահաբեկչության դեմ պայքարում նրա ջանքերին քսան տարվա աջակցության համար։ Որպես ԵԱՀԿ Մինսկի խմբի համանախագահ՝ մենք հավատարիմ ենք մնում հակամարտության երկարաժամկետ քաղաքական կարգավորման շուրջ բանակցություններին։
Հուսով ենք, որ մեկ տարի անց, որը հիշվել է հակամարտությամբ և կորոնավիրուսի համավարակով, Ադրբեջանը կհաղթահարի այդ դժվարությունները և կդառնա էլ ավելի բարգավաճող պետություն ՝ մարդու իրավունքների և հիմնարար ազատությունների հարգման և հարևանների հետ խաղաղ գոյակցության շնորհիվ»,- նշված է Բայդենի ուղերձում:
Ամերիկյան կողմը Բայդենի ուղերձի մասին առայժմ հաղորդագրություն չի տարածել։
Zham.am
Հետևեք մեզ Facebook-ում