Կարծիքները իրարամերժ չէին

«Այո, ի սկզբանե կինս եղել է «Էրեբունի» բժշկական կենտրոնի բժիշկ Դավիթ Աբովյանի հսկողության տակ և ուշադրության կենտրոնում: Բժիշկը նախապես գրավոր մեզ ներկայացրել է հնարավոր ռիսկերը՝ սկսած նրանից, որ ծննդկանի արգանդը կարող է հեռացվել մինչև նորածինների կորուստը: Սակայն հղիությունը անցել է նորմալ, որևէ խնդիր չի եղել: Ծնողի համար երեխայի կորուստը մեծ վիշտ է, բայց ավելի ծանր է հղիության ժամանակ որոշում կայացնելը: Փառք Աստծո մեր երկու երեխաները ողջ են և հույսով եմ, որ Աստված մեզ նորից բալիկներ կտա»,- մեզ հետ հեռախոսազրույցում անկեղծացավ «Էրեբունի» ԲԿ-ում մայիսի երեքին լույս աշխարհ եկած հնգյակի հայր Վարդան Կարապետյանը:

Այլ կերպ ասաց հաստատեց «Էրեբունի» ԲԿ-ի ծննդօգնության գծով փոխտնօրեն Անդրանիկ Պողոսյանի ավելի վաղ արած հայտարարությունը: Նա մասնավորապես վստահեցրել էր, որ ծնողները պատշաճ կերպով տեղեկացված են եղել նորածինների կորստի հնարավոր ռիսկի մասին: Այլ կերպ ասաց և նորածնի հոր և բժշկի խոսքը համընկնում են: Այս իրողությունը փաստում է, որ և´ «Էրեբունի»-ի, և´«Մոր և մանկան» գիտահետազոտական կենտրոնի և´ «Սուրբ Աստվածամայր» ԲԿ-երի (ուր երեխաները տեղափոխվել էին լույս աշխարհ գալուց հետո), արել են ամեն հնարավորը նորածինների կյանքը փրկելու համար, կիրառելով բոլոր բժշկական նորագույն մոտեցումները և ընդգրկելով լավագույն մասնագետներին:

Ցավոք որոշ լրատվամիջոցներ բժշկությունը չեն դիտարկում որպես գիտություն և այն խառնում են քաղաքականության հետ, մոռանալով, որ գիտությունը մտավարժությունների տեղ չէ: Իհարկե ասացս չի նշանակում , որ Հայաստանի առողջապահությունում ընդհանրապես բացակայում են բժշկի մեղքով մահացության դեպքերը: Նման դեպքեր եղել են, որոնց հետևել են իրավապահների համարժեք գործողութհունները: Իհարկե խոսքը սրա մասին չէ: Բայց միևնույն ժամանակ չպետք է մոռանանք, որ ինչպես յուրաքանչյուր օրգանիզմ անհատական մոտեցում է պահանջում բժշկից, այնպես էլ յուրաքանչյուր նման ծանր ելքով դեպքերը մեզնից ևս ստանդարտից դուրս մոտեցում են պահանջում: «Մի վնասիր» ասվացը վերաբերվում է ոչ միայն բժշկներին այլև մեզ՝ լրատվամիջոցներիս: Հատկապես ինչպես զգացվեց Վարդան Կարապետյանի հետ հեռախոսազրույցում նա բժշկներից դժգոհ չէ:

Ինչը բնական է, չէ որ «Էրեբունի» ԲԿ-ի մասնագետների բարձր պրոֆեսիոնալիզմի արդյունքում է, որ նորածինների մայր Լուսինե Պողոսյանը չի զրկվել նորից մայրանալու հնարավորությունից: Հիշեցնենք, որ հղիության ընդացքում բժշկները նրանց զգուշացրել էին, որ առկա է նաև արգանդից զրկվելու ռիսկը: Ու թեև Վարդան Կարապետյանի խոսքում բժշկների նկատմամբ բողոք չկար, սակայն նկատվում էր որոշակի զգուշավորություն լրատվամիջոցների նկատմամբ, ինչի համար էլ նա մեր կարճ զրույցը հաստատեց միայն երբ իր բանավոր խոսքը ձևակերպված լսեց հեռախոսով:

Այո, իսկապես ծնողի համար անասելի ծանր է որոշել, որ երեխաին պահել, որին զոհաբերել՝ բարդ ռիսկային հղիության դեպքում: Եվ գուցե այդ սարսափելի որոշումը մարդը նախընտրում է թողնել Աստծո կամքին: Համենայն դեպս դեպի հավերժություն հեռացած երեք փոքրիկները երկնքի կապույտից «ժպտում» են և´ իրենց ծնողներին և´ իրենց բժշկներին:

Ժասմեն Վիլյան