Թուրքիան շահագրգռված է ՀՀ-ի հետ սահմանը բացել, սակայն Ադրբեջանն ընդդիմանում է. Ստեփան Դանիելյան Երևանցուն են «քերթում». Մանուկ Սուքիասյան Տուրիստ թիվ 1՝ «հերոս հարկատուների» հաշվին. միլիոնների ծախս, 0 օգուտ ժողովրդին... Ֆրանսիա, Թուրքիա, Իռլանդիա, հիմա էլ՝ Կամբոջա
Ճաշացանկում Ուկրաինայից բացի նաև Հայաստանն է Քաղաքական պատանդներին բանտերից ազատելու արձակելն ու քաղաքական ազատությունների պաշտպանությունը պետք է լինի ընդդիմության թիվ մեկ օրակարգային խնդիրը Որքան արժանավոր մարդկանց է իշխանության պատվերով բանտ նետել դատավոր Մասիս Մելքոնյանը, որ շուտով երևի կհայտնվի բանտում Ընդդիմադիրներին ատող դատավոր Մասիս Մելքոնյանը «քպ-ական» փոսն ընկավ ՀԱՊԿ-ը ՀԱՅԱՍՏԱՆԻ ԱՆՎՏԱՆԳԱՅԻՆ ՀԱՄԱԿԱՐԳԻ ԿԱՐԵՎՈՐԱԳՈՒՅՆ ԲԱՂԱԴՐԻՉՆ Է Եկող ամիս Նիկոլը 10 օրը մեկ Մոսկվա է գնալու, կարծում է, թե Պուտինի հետ լեզու կգտնի Հուզվելը խտրական չպետք է լինի. Արեգնազ Մանուկյան «ՀԱՊԿ-ի հետ կապված Ռուսաստանը կանցնի կտրուկ քայլի․․․ Փաշինյանին ծանր թուղթ կտա՞ն»․ Մալխասյան Փաշինյանն ու Ալիևը հանդիպել են. ուրեմն Հայաստանին ու հայերին սպասվում են նոր աղետներ Բողոք՝ թիվ 203 ավտոբուսի երթուղին փոփոխելու և մարդկանց հավելյալ ծախսի տակ գցելու ավինյանական որոշման դեմ Պատերազմ Արցախում
Ճաշացանկում Ուկրաինայից բացի նաև Հայաստանն է Քաղաքական պատանդներին բանտերից ազատելու արձակելն ու քաղաքական ազատությունների պաշտպանությունը պետք է լինի ընդդիմության թիվ մեկ օրակարգային խնդիրը «ՍԻՆՋԱՐ» ՀԿ խորհրդի հայտարարությունը՝ Բորիս Մուրազիի նկատմամբ ազգային պատկանելության հիմքով թիրախավորման վերաբերյալ Որքան արժանավոր մարդկանց է իշխանության պատվերով բանտ նետել դատավոր Մասիս Մելքոնյանը, որ շուտով երևի կհայտնվի բանտում Ընդդիմադիրներին ատող դատավոր Մասիս Մելքոնյանը «քպ-ական» փոսն ընկավ Նիկոլը կլքի աթոռը․ մեկ զանգով կլուծվի ՀՀ իշխանության հարցը․ Ստեփան Դանիելյան Կենտրոնական բանկը կանգնել է դժվար որոշումներ կայացնելու փաստի առջև Հայկ Մարտիրոսյանը հաղթել է Մագնուս Կարլսենին «Հրապարակ»․ «Հայրենիքը» չի փակվում Խաղողագործներին փող չեն տալիս․ «Հրապարակ» Ոչինչ չի փոխվել, միայն վատացել է Հանրային տրանսպորտի վարորդների առողջության ու անվտանգության հարցերը պատշաճ վերաբերմունք են պահանջում Թևանյանի իրական «մեղադրանքը» ընդդիմադիր գործունեությունն է և... վերջ Թուրքիան շահագրգռված է ՀՀ-ի հետ սահմանը բացել, սակայն Ադրբեջանն ընդդիմանում է. Ստեփան Դանիելյան ՀԱՊԿ-ը ՀԱՅԱՍՏԱՆԻ ԱՆՎՏԱՆԳԱՅԻՆ ՀԱՄԱԿԱՐԳԻ ԿԱՐԵՎՈՐԱԳՈՒՅՆ ԲԱՂԱԴՐԻՉՆ Է Երևանցուն են «քերթում». Մանուկ Սուքիասյան Ամեն ինչ՝ «հակառակ կողմից». «Փաստ» Եկող ամիս Նիկոլը 10 օրը մեկ Մոսկվա է գնալու, կարծում է, թե Պուտինի հետ լեզու կգտնի Ամեն մի որոշման, քայլի, գործողության հետևում կոնկրետ մարդիկ են՝ իրենց պատասխանատվությամբ. «Փաստ» Լուկաշենկոյին «բորբոքելու» էժանագին քայլ. Փաշինյանն ու Տիխանովսկայան հանդիպել են Դուբլինում անցկացված գագաթաժողովի շրջանակում Տուրիստ թիվ 1՝ «հերոս հարկատուների» հաշվին. միլիոնների ծախս, 0 օգուտ ժողովրդին... Ֆրանսիա, Թուրքիա, Իռլանդիա, հիմա էլ՝ Կամբոջա Ասֆալտով գովազդվող իշխանությունների սարքած ճանապարհն այս տեսքն ունի, մի տարի էլ չի դիմանում Հուզվելը խտրական չպետք է լինի. Արեգնազ Մանուկյան Ֆիննախի ցնցող պատասխանը. որքա՞ն է օգնել Արցախը Հայաստանին 32 տարիների ընթացքում. yerkir.am Արցախը չի մոռացվել. հայ և կիպրոսցի երկրպագուների ակցիան՝ Երևանում Սթափվեք, մարդկանց մի հասցրեք մшհվшն դուռը. Իրավապաշտպան Ցանկացած զարգացած երկիր կնախանձեր նման որակի երիտասարդությանը. Գագիկ Ծառուկյանը՝ հայաստանցի երիտասարդների մասին Ոչ պակաս վտանգավոր, քան ծխախոտը. Վեյփն ընդամենը 7 ամսում քայքայում է երիտասարդների թոքերը Սրանք միայն ընդդիմադիրներին են «պինդ բռնում»... ՊԵԿ-ում քննչական գործողությունների ժամանակ առանձնապես ծանր հանցագործության համար կալանավորված օտարերկրացին փախել է Դուբլինում ձվահարել են Զելենսկու մեքենան . Sky News

Պարոն Տեր-Պետրոսյան, Դուք ստո՛ւմ եք և նենգափոխում իրականությունը․ Հակոբյան

«Լևոն Տեր-Պետրոսյանի՝ այսօր հրապարակված հայտարարությունը հետապնդում է մի քանի զուգահեռ նպատակ

Ա) Հանրային ընկալման դաշտում Նիկոլ Փաշինյանին տարանջատել, անգամ՝ տարզատել իրենից և նրան ներկայացնել որպես իրենից հետո, 1998-ից ի վեր որդեգրված քաղաքական ուղեգծի «ծնունդ» կամ հետևանք,

Բ) տեղի ունեցած ազգային աղետի համար Նիկոլ Փաշինյանի պատասխանատվությունը տարրալուծել, ավելին՝ կատարվածի համար մեղքը բարդել « հասարակական, քաղաքական, մտավորական էլիտայի», մի խոսքով՝ բոլորի վրա, բացի՝ Լ.Տ-Պ-ից ու ՀՀՇ-ից (ՀԱԿ-ից):

Գ) Արմատավորել բացարձակ կեղծ կաղապարներ, թե՝ 1. Ինքը (ՀՀՇ-ն) 1996-97 թվականներին ամենանպաստավոր փոխզիջումային լուծումն էին տալու Արցախի խնդրին (այսպես կոչված՝ փուլային կարգավորումը՝ Արցախը Ադրբեջանի կազմում ինքնավարության կարգավիճակով թողնելով) 2. Իրեն հաջորդած բոլոր ղեկավարները մերժում էին փոխզիջումային լուծումները, 3. Հայ Դատը և պահանջատիրությունը վտանգ են Հայաստանի և հայության համար ու վնասակար, մերժելի:

Տեր-Պետրոսյանի նշված և մյուս կաղապարային «թեզերը» ո՛չ նորություն են, ո՛չ էլ առաջին անգամ է նա նմանօրինակ հայտարարություններով արտահայտում իր ծայրահեղ ատելությունը Հայ Դատի, ՀՅ Դաշնակցության, առհասարակ՝ ազգային ուժերի և ժամանակին իրեն մերժած ու հրաժարեցրած գործիչների և շրջանակների նկատմամբ: Նորություն չէ նաև իրողությունները խեղաթյուրելու տեր-պետրոսյանական գործելակերպը:

Տեր-Պետրոսյանի մտահանգումներն ու գնահատականները խարսխվում են նրա հետևյալ առանցքային կեղծ դատողության վրա (մեջբերենք, չզլանանք). «1997 թվականից ի վեր՝ Հայաստանի բոլոր կուսակցությունները, բացի ՀՀՇ-ից, վիժեցնելով փոխզիջումային լուծման ամենանպաստավոր հնարավորությունը, որդեգրեցին ստատուս-քվոյի պահպանման ու փոխզիջումների մերժման կործանարար ուղեգիծը: Այն դարձավ ՀՀ հաջորդ վարչախմբերի պետական մակարդակի բարձրացված քաղաքականություն, հասցնելով այն աղետին, ինչում նրանք այսօր մեղադրում են միայն Փաշինյանին»:

Նախ, մի հատ չեք հիշեցնի՞ կամ հենց հիշի, թե ի՛նչ էր ենթադրում իր և ՀՀՇ-ի «փոխզիջումային լուծման ամենանպաստավոր հնարավորությունը», որն ըստ էության հաղթանակի հասած ու հրադադար պարտադրած Արցախի անվերապահ կապիտուլյացիայի վատ քողարկված տարբերակ էր:

Բացի այդ, տվյալ լուծումը կարող է «ամենանպաստավոր» գնահատվել միմիայն Տեր-Պետրոսյանի քաղաքական աշկերտ, նրա հոգեզավակ Նիկոլ Փաշինյանի իրագործած դավաճանության, կանխամտածված հրահրած աղետի ու դրա ծանրագույն հետևանքների խորապատկերում:

Բացարձակ սուտ է, և Տեր-Պետրոսյանը միտումնավոր նենգափոխում, խեղաթյուրում է իրականությունը, հայտարարելով թե՝ 1997-ից ի վեր բոլոր կուսակցությունները միահամուռ որդեգրել են ա) ստատուս-քվոյի պահպանման, փոխզիջումների մերժման կործանարար ուղեգիծ, և Արցախի խնդրի կարգավորման գործընթացում փոխզիջումների մերժումը 1998-2018թթ. դարձել է «պետական մակարդակի բարձրացված քաղաքականություն», բ) Նիկոլ Փաշինյանը շարունակել է (!!!) այդ քաղաքականությունը:

Կրկնեմ՝ դա բացահայտ սո՛ւտ է: Կեղծ դատողություն և միտումնավոր կեղծիք է Տեր-Պետրոսյանի պնդումը, թե իրենից հետո, նախագահ Ռոբերտ Քոչարյանը, ապա՝ նախագահ Սերժ Սարգսյանը Արցախի հիմնախնդրի կարգավորման բանակցային գործընթացում հանդես են եկել փոխզիջումները մերժելու և ստատուս-քվո պահելու մոտեցմամբ, կամ մերժել են փոխզիջումներն առհասարակ:

Այն, որ նման պնդում անող Տեր-Պետրոսյանը ցինիկաբար ստում է, շատ հեշտ ու ակնհայտ ապացուցվում է՝

Ա) Նրանով, որ 1998-2008, ապա 2008-2018 թվականներին տեղի ունեցած բանակցային գործընթացով ձևավորված կարգավորման աշխատանքային բազմաթիվ տարբերակները, կարգավորման քննարկվող (բանակցելի) սկզբունքները կառուցված են եղել կոնկրետ փոխզիջումների վրա, որոնք նախատեսում էին, օրինակ՝ Արցախի հայկական զինուժի վերահսկողության տակ գտնվող որոշ տարածքների վերադարձ ադրբեջանական կողմին: Ըստ որում, վերջերս դրա վրա հա շեշտը դնող Տեր-Պետրոսյանի հոգեզավակ նիկոլ փաշինը, իր դասատուի նման միտումնավոր «մոռանում» է, որ տարածքայինի պահով ՓՈԽզիջումը ընդունվում էր Արցախի կարգավիճակի (անկախության ճանաչման) հստակեցման դիմաց:

Բ) Տեր-Պետրոսյանի ասածի սուտ լինելը ապացուցվում է նաև նշված 20 տարիների ընթացքում մի քանի անգամ Հայաստանի ու Ադրբեջանի ղեկավարների մակարդակով ԵԱՀԿ ՄԽ եռանախագահների միջնորդությամբ տեղի ունեցած «վերջնական բանակցությունների» փաստերով, որոնցից ամենանշանավորներն են Քի Ուեսթի հանդիպումը, Ռամբուեյի հանդիպումը և Կազանի հանդիպումը, որոնցից յուրաքանչյուրի դեպքում թե՛ նախագահ Քոչարյանը, թե՛ նախագահ Սարգսյանը պատրաստ են եղել ընդունել վերջնական կարգավորման վերաբերյալ առաջարկվող ՓՈԽԶԻՋՈւՄԱՅԻՆ լուծումը:

Եվ բոլոր դեպքերում մերժողի, բանակցություններով ձեռք բերված նախնական պայմանավորվածությունները խափանողի, «ստատուս-քվոն» պահողի և ապակառուցողականի դերում դերում եղել է ադրբեջանական կողմը:

Գ) Տարիներ շարունակ հենց Տեր-Պետրոսյանը, իր գլխավորած ՀԱԿ-ը, իր կուսակցական «տեղապահ» Լևոն Զուրաբյանը, առնվազն մինչև 2013 թվականը ՀԱԿ քարոզչական շահերն սպասարկող Նիկոլ Փաշինյանն ու նրա ընտանեկան թերթը հետևողականորեն ոչ միայն նենգափոխված շահարկել են այդ թեման, այլև բազմիցս և ուղղակիորեն մեղադրանքներ են ուղղել ինչպես նախագահ Քոչարյանին, այնպես էլ՝ Սերժ Սարգսյանին, նրանց մեղադրել են զիջողականության, «Ղարաբաղը ծախելու», «Մեղրին ծախելու» և նմանօրինակ այլ՝ տեր-պետրոսյանական պրոպագանդայի կողմից հորինված «մեղքեր» գործելու մեջ:

Եթե Ռոբերտ Քոչարյանը կամ, ասենք, Սերժ Սարգսյանը փոխզիջումների մերժումը պետական քաղաքականություն էին դարձրել, ապա տասնամյակներ շարունակ, Արցախի խնդրի հետ կապված, այդ ո՞ւմ և ինչի՞ համար էին «քլնգում» Տեր-Պետրոսյանը, Նիկոլը, Զուրաբյան Լյովիկը, Շողերը, չհաշված՝ տարատեսակ «բարբաջանքյաններին» ու մյուսներին:

Ամենից շատ արծարծված «մադրիդյան սկզբունքները» հենց փոխզիջումային լուծման տարբերակ էին: Իսկ տեր-պետրոսյանական քարոզչությունը կաշվից դուրս էր գալիս՝ այդ սկզբունքների շուրջ բանակցելու պատրաստակամություն հայտնած ՀՀ իշխանություններին թիրախավորելու, նրանց նկատմամբ անձնավորված ատելություն սերմանելու, պիտակելու և մեղադրելու առումներով:

Տեր-Պետրոսյանի հայտարարության հիմնական, եթե ոչ առանցքային վերոհիշյալ թեզի բացարձակ կեղծիք ու ստախոսություն լինելը պարզ ու հստակ նշելուց հետո, կարելի է ավելորդ համարել նրա մնացյալ արտահայտություններին անդրադառնալը: Քանզի, եթե հիմնարար թեզը կեղծ դատողություն է և ցինիկ սուտ, ապա՝ դրա վրա կառուցված հայտարարությունն ինքնին մանիպուլյացիա է:

Ավելին, Տեր-Պետրոսյանը, չի խորշում կրկնել ադրբեջանական հակահայ մոտեցման ու քարոզչության առանցքային թեզերից մեկը, ըստ որի, իբր Ադրբեջանը կառուցողական է, այդ Հայաստանն է, որ մշտապես մերժում է կարգավորման տարբերակները:

Արցախի կարգավորման գործընթացի հետ կապված՝ հայտարարել, թե Նիկոլ Փաշինյանը շարունակել է իրենց առաջ եղած քաղաքականությունը, այնպիսի բացահայտ սուտ է, որ ինքը՝ Փաշինյանն էլ կնախանձեր:

Եթե Փաշինյանը շարունակեր (գոնե) նախորդների մոտեցումներով շարժվել, ապա բանակցային գործընթա՛ց կլիներ, այլ ոչ թե՝ բանակցությունների միտումնավոր վիժեցում:

Առայժմ այսքանը»:

Լրագրող Արմեն Հակոբյանի ֆեյսբուքյան էջից

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/zham.am.armenia/a>