Այս տարվա ընթացքում հայկական ԶՈՒ-ում կտրուկ ավելացել են մահվան դեպքերը

«Ժողովուրդ» օրաթերթը գրում է, որ այս տարվա ընթացքում կտրուկ ավելացել են հայկական զինված ուժերում մահվան դեպքերը, և այդ հանգամանքը լուրջ անհանգստություն է առաջացրել իրավապահ համակարգում: Թերթին հայտնի է դարձել, որ 2017 թվականի հունվարից մինչ օրս ընկած ժամանակահատվածում բանակում արձանագրվել է 26 մահվան դեպք, որից 10-ը եղել է հակառակորդի կրակոցի հետևանքով իսկ ահա 16-ը՝ ինքնասպանության հասցնելու, ավտովթարի, զինվորների միջև ներքին տարաձայնության, զենքի հետ կանոնները խախտելու և սպանության հետևանքով։ «Եվ հիմա, ըստ մեր տեղեկությունների, ՊՆ-ում պարբերաբար մտահոգ խորհրդակցություններ են անցկացվում՝ իրավիճակի վերլուծություն անելու ու դեպքերի նախականխումը կազմակերպելու հաստատուն ձգտումով»,-գրում է թերթը։

Մանրամասները՝ թերթի այսօրվա համարում։