Այս սպեկուլյանտ դավաճանի հետ մի ողջ պետություն գնալու է ընտրության․ Սարկիսով

Լիազորել են 2018 թվականի ապրիլի 23-ին, երբ չգնահատելով մեր ունեցածը, չգնահատելով Արցախի եւ Հայաստանի տարածքային ամբողջականությունները, անվտանգության երաշխավորին՝ մոտ 40+ վստահության քվե տվեցին մեկին, ով գաղափար չուներ թե ի՞նչ է նշանակում Հայաստանի Հանրապետությունը, ի՞նչ է նշանակում տարածաշրջանային խնդիրներ ասվածը, ի՞նչ է նշանակում Զինված ուժերը, ի՞նչ է նշանակում գեոպոլիտիկան։ Մեկը, ով կիսագրագետ մի պառլամենտական էր, ով իր քաղաքական կարիերան կառուցել էր սրան-նրան պիտակավորելու, զրպարտելու, վիրավորելու վրա։

Հենց այս ժամանակ էլ լիազորեցին հայտնի սուբյեկտին անել այն ինչ այսօր անում է։

2020 թվականի նոյեմբերի 09-ից գոռում ենք, որ Հայաստանի անունից ստորագրվելիք ցանկացած միջազգային պայմանագիր պետք է լինի Սահմանադրությանը չհակասող (անցնի ՍԴ-ով), ապա նաեւ վավերացվի Ազգային ժողովի կողմից։ 09.11.20 թվականի հայտնի #հայտարարություն|ը եւս միջազգային պայմանագիր է՝ իր բնույթով, սակայն այն չունի իրավաբանական ուժ, քանի որ համապատասխան ընթացակարգերով չի անցել եւ վավերացվել։

(Սա հիմք է անվավեր ճանաչելու, քանի որ ստորագրվել է ակնհայտ ճնշման եւ/կամ սպառնալիքի տակ, ինչպես նաեւ ձեւական առումով հակասահմանադրական է, քանի որ չի անցել ներպետական ձեւական փուլերը։ Բովանդակային առումով այն եւս խնդրահարույց է):

Նույնը պետք է ասել հունվարի հայտարարության մասին։

Ի դեպ, նաեւ անիմաստ սպեկուլյատիվ եւ դավաճանական նկրտումներով է լի՝ «հող հանձնողին՝ կհանձնենք հողին», լոզունգը։ Հողը 6 ամսից ավել է հանձնվել է, սակայն հանձնողին այդպես էլ որեւէ մեկը հողին չի հանձնել։

Ու այս, սպեկուլյանտ դավաճանի հետ մի ողջ պետություն գնալու է ընտրության։ Մինչեւ ընտրությունները ինքներդ ձեզ հարցրեք, թե ի՞նչ ընտրական տարածքներ եք ունենալու։

P.S. Աստուած պայման մեր պետությանն ու պետականությանը։

Հրանտ Սարկիսովի ֆեյսբուքյան էջից