Է. Շարմազանով. ՀՀԿ-ն Ազգային ժողովի նախագահի պաշտոնում առաջադրել է Արա Բաբլոյանին

Հայաստանի իշխող Հանրապետական կուսակցության Գերագույն մարմնի նիստից հետո ՀՀԿ խոսնակ Էդուարդ Շարմազանովը լրագրողների հետ զրույցում վերահաստատեց, որ ՀՀԿ-ն Ազգային ժողովի նախագահի պաշտոնում  առաջադրել է Արա Բաբլոյանին: 

- Վաղը տեղի կունենա Ազգային ժողովի նախագահի և տեղակալների ընտրություն: Արա Բաբլոյանն ունի երկարամյա փորձ և գործադիրում և խորհրդարանում, ունի շատ իմաստուն անցյալ և հույսով ենք, որ պարոն Բաբլոյանի գլխավորությամբ մենք կարող ենք ավելի արդյունավետ աշխատել: Ես նաև ուրախ եմ, որ աշխատելու եմ նման փորձառու անձնավորության հետ, - ասաց ՀՀԿ մամուլի խոսնակը:

ՀՀԿ խորհրդարանական Ֆրակցիայի նախագահի պաշտոնում առաջադրվել է Վահրամ Բաղդասարյանը, ֆրակցիայի քարտուղարի՝ Գագիկ Մելիքյանը:

Ֆինանսավարկային և բյուջետային հարցերի մշտական հանձնաժողովի նախագահի պաշտոնում ՀՀԿ-ն առաջադրել է Գագիկ Մինասյանին, Արտաքին հարաբերությունների մշտական հանձնաժողովում՝ Արմեն Աշոտյանին, Տնտեսական հարցերի մշտական հանձնաժողովում՝ Խոսրով Հարությունյանին, Պետական-իրավական հարցերի մշտական հանձնաժողովում՝ Հրայր Թովմասյան, Պաշտպանության, ազգային անվտանգության եւ ներքին գործերի մշտական հանձնաժողովում՝ Կորյուն նահապետյանին, Առողջապահության և սոցիալական հարցերի հանձնաժողովում՝ Հակոբ հակոբյանին:

Էդուարդ Շարմազանովը նաև հայտնեց, որ ՀՀԿ-ի, ինչպես նոյեմբերի 26-ին հայտարարել էր Սերժ Սարգսյանը,  վարչապետի թեկնածուն լինելու է Կարեն Կարապետյանը:

Zham.am