«Իմ քայլի» պատգամավորներն անտեղյակության մեջ են․ նրանք միմյանցից էին հետաքրքրվում՝ ինչ կա սահմանին
«Ժողովուրդ» օրաթերթը գրում է. «ՀՀ Ազգային ժողովում իշխանական խմբակցությունը, ինչպես միշտ, անտեղյակ է երկրում տեղի ունեցող զարգացումներից։ «Ժողովուրդ» օրաթերթի լրագրողը երեկ նկատեց, որ պատգամավորները միմյանցից էին հետաքրքրվում՝ ինչ կա սահմանին, ինչ է կատարվում։
Ինչպես 44-օրյա պատերազմի ընթացքում իշխանության ներկայացուցիչները տեղյակ չեղան, թե ինչպես հաղթող բանակը հանկարծ պարտվեց, և Նիկոլ Փաշինյանը անակնկալ ստորագրեց եռակողմ պայմանագիրը, այնպես էլ հիմա սրտատրոփ սպասում են, որ հնարավոր է՝ մի նման արտառոց բան տեղի ունենա, և իրենք էլի իմանան մամուլից:
Ըստ մեր տեղեկությունների՝ իշխանական թևի շատ պատգամավորների չի հաջողվում անգամ կառավարության առանցքային դեմքերի հետ կապ հաստատել կամ Պաշտպանության նախարարությունից մի ինֆորմացիա ստանալ Սյունիքում ու Գեղարքունիքում կատարվող իրադարձությունների վերաբերյալ։
Խորհրդարանական իշխանական ֆրակցիան, կարելի է ասել, մամուլի հույսին է մնացել, թե որ լրատվականը ինչ տեղեկություն կտրամադրի սահմանից: Երեկ խորհրդարանում անգամ մասնավոր զրույցներում նշում էին, որ գոնե լավ է՝ անկախ պատգամավորները ոտքի ելան ու պահանջեցին ԱԺ արտահերթ նիստ անել, թե չէ եթե իշխանությանը մնար, ապա իրենք կշարունակեին մթության մեջ մնալ:
Ի դեպ, տևական ժամամակ է՝ ԱԺ «Իմ քայլը» խմբակցության պատգամավորները անտեղյակության մեջ են և չգիտեն՝ ինչ է լինելու լուծարված խորհրդարանի շատ ներկայացուցիչների ճակատագիրը»։
Մանրամասները՝ թերթի այսօրվա համարում
Հետևեք մեզ Facebook-ում