Բնակիչները մրոտ, անտուն կանգնած՝ ասում են․ ուֆ, մենք ենք ընտրել, լավ ենք արել, էլի կընտրենք, թողեք, թող աշխատի, բա նոր է եկել, դեռ չի կողմնորոշվել

Պատկերացրեք մի իրավիճակ։ Քաղաքի բնակիչները հրշեջ ծառայության պետ են ընտրում, ու, թարսի պես, որոշ ժամանակ անց քաղաքում խոշոր հրդեհ է բռնկվում։ Էս մեր նորընտիր պետն էլ ասում է․ սաղ սուտ է, հրդեհը պետք է օղիով մարել, ու ինձ չի հետաքրքրում, որ նախկինները փրփուրով ու ջրով էին դա անում, ես իմ սեփական կետից եմ սկսում։ Մի խոսքով, գնում ու օղի են լցնում, տալիս՝ քաղաքը ավիրում են, մի հատ շենք չի մնում։