Թուրքիայում հաստատել են․ Իրանի հետ սահմանին պատ կկառուցվի

Թուրքիայի կառավարության բնակարանաշինության վարչության (TOKI) ղեկավար Էրգյուն Թուրանը մայիսի 13-ին հաստատել է ավելի վաղ լրատվամիջոցներում տարածված տեղեկությունը, որ Թուրքիան պատրաստվում է Իրանի հետ սահմանին պատ կառուցել։ Փոխանցում է Razm.info-ն:

Թուրանը նշել է, որ իրենք պատրաստվում են Իգդիրի և Աղրը նահանգների սահմանային հատվածներում կառուցել ընդհանուր առմամբ 144 կմ երկարությամբ պատ, որը պետք է բաղկացած լինի առանձին բետոնե բլոկներից։

Պատի երկայնքով կառուցվելու է 15 մաքսային անցակետ։ Պատի կառուցման աշխատանքներն իրականացվելու են 5 տարբեր փուլերով։ Պատի երկայնքով պետք է տեղադրվեն նաև սահմանային հսկողության նոր աշտարակներ։

Կառույցի ղեկավարը նշել է, որ իրենք ավարտին են հասցնում Սիրիայի հետ սահմանին կառուցվող նմանատիպ պատը։ Պատի կառուցումն ուղղված է անօրինական խմբավորումների Թուրքիա մուտքը կանխելուն․ նշում է թուրքական կողմը։

Մանրամասները՝ Razm.info-ում: