«Վեկալ գցի, Ռոզ տատի: Կարաս, չէ՞: Թե՞ էդ էլ անեմ» (տեսանյութ)

Երեկ Ավանի 1/03 տեղամաս ընտրության եկած 91-ամյա կնոջը 3 հոգով օգնեցին հասնել տեղամաս։

Բոլոր մատները ստուգելուց հետո սարքը վերջապես ճանաչեց կնոջ տվյալները։ Նրան ուղեկցող անձը, ով ներկայացավ որպես հարևան, ասաց, որ ինքն է խնամում տատիկին։ Հաղորդում է «Ազատություն»-ը:

«Գոնյա մի 10,000 փող տային, բալա ջան: Բերիք հասցրիք ստե․․․ մենակ կնիկ եմ, ապրում եմ, մարդ չկա խնամող», - «Ազատության» հետ զրույցում պատմեց տիկին Ռոզան՝ բողոքելով, թե դժվարությամբ է եկել ընտրատեղամաս: Հարցին՝ թե այդ դեպքում ինչո՞ւ է եկել, պատասխանեց․ - «Հարևաննա բերել, տղա ջան: Գոնյա փող տային՝ մի 10,000, ապրեի: Թոշակով չեմ կարում ապրեմ»:

Կնոջը ուղեկցող տղամարդը՝ որպես հարևան ներկայացած Գեղամը, նրան տարավ քվեախցիկի մոտ: Կինն անգամ չէր էլ նայում, թե ում է ընտրում Գեղամը, պարզապես քվեախցիկի հարևանությամբ սեղանին հենված կանգնած էր։ «Տարոն Մարգարյան» բարձրաձայնեց հարևանը և գնացին քվեատուփի մոտ։ - «Վեկալ գցի, Ռոզ տատի: Կարաս, չէ՞: Թե՞ էդ էլ անեմ», - հարցրեց նա:

Մանրամասները՝ «Ազատության» տեսանյութում: